Ŋikis. 4:26 - Ebaibul

²⁶ anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Ŋikis. 4:26 Iomraidhean Croise

Akisy. 19:13

anerae eapi isua akinyasun akibois na aŋuna alalaaror nooi ŋituŋa a akibois a na akigworonokin Ekapolon, aŋun, ikiyaku Ekapolon isua akinyasun iŋes.”

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 16:13

Aŋun, ekeritari ayoŋ iyes anakwap a na nakwap ŋina sek nyiyenete iyes, kori atapapaa kus, ido kitiyanakis a nen ŋakujo ŋace naparan ka nakwaare, anerae mam akisyon eketoodikini ayoŋ iyes.’ ”

Yer. 2:12

Okoe nakuj, emaikina iyoŋ ikikadak aŋuna a ŋakiro a ŋun, emaikina iyoŋ toumok ka emaikina itosilik nooi;

Yer. 22:29

Okoe akwap, akwap, akwap, kiira ŋakiro a Ekapolon.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Esek. 33:28

Etisiluni ayoŋ akwap kec ka eturuwori akoŋinait, esaluni agogoŋ keŋ ŋina sek ituror iŋes, esilunete ŋikamukumukui a Isirael, edaun ituŋanan itori nen.

Esek. 36:4

aŋun okoe ŋituŋa ŋulu iboiyete alokamukumukui a Isirael, alimu Ekapolon Akuj ŋakiro nu aŋuna a ŋimoru, a ŋikamukumukui, a ŋayona a ŋuna eyakasi ŋakipi ka a ŋuna a ŋakadipaalae ka ŋakiboisyo ŋuna asilok ka ŋunakoŋinae ta aŋuna a ŋitaunio a ŋulu emam ituŋanan eyai a ŋulu aruwor ŋikoŋinae a ŋulu aponi toŋatarae ŋiboro kec ka tojamuwasi ŋituŋa a ŋakwapin a ŋuna idunyatar ikes.

Ŋilep. 18:28

Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen.

Mika 1:2

Kiirasi ŋakiro nu iyes ŋituŋa daadaŋ; topupokisi ŋakiro nu, iyes ŋulu iboiyete anakwap a daadaŋ. Elimori Ekapolon ŋolo Etiron ŋuna ikisitakinitor iyes. Irworo iŋes alo Kai keŋ anakuj.

Mika 6:2

Kiirasi iyes ŋimoru ŋakiro ŋuna isitar Ekapolon, topupokisi iyes ŋawoeta ŋuna ka akwap ŋuna a ŋikaru ka ŋikaru, eyakar Ekapolon asitan lotuŋa keŋ, isitakinit iŋes Ŋisirael.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋikis. 11:17

ani kitiyata iyes ŋun, ikiŋoikini Ekapolon iyes ka nyimyek akiru kilim ka nyepedo akwap akira ŋaraito, tosodi itwakete iyes atipei kimyekis akwap ŋina ajokan ŋina ikiinakinit Ekapolon iyes.

Ŋikis. 28:20

“Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Ŋikis. 28:22

Ikisicani Ekapolon iyes a edeke a ŋolo ikididiiyari, a edeke a ŋolo itomwani akuwan, a edeke a ŋolo itubui akuwan; ikisicani Ekapolon iyes a amwanis ka aonite, a eremonu ka ebuta a ŋimanikorin kus. Erubakinete ŋakisicaneta ŋun aneni kus tari ŋina imunyarotor iyes daadaŋ.

Ŋikis. 28:45

“Iryamunete iyes ŋilam ŋul daadaŋ, ikiwuapete ka eyakaun neni kus tari ŋina imunyarotor iyes, anerae nyiwuapa iyes ŋakiro ŋuna ke Ekapolon Akuj kus, anakiricakinit ŋakiciketa keŋ ka ŋikisila keŋ ŋulu abu iŋes ikicik iyes akiricakin.

Ŋikis. 28:61

Eyauni Ekapolon neni kus ŋidekesyo ka ŋican ŋulu egelegelya, tari pa kigiritae lokitaabo ŋolo a ŋikisila a lu, akitodol ŋina imunyarotor iyes.

Ŋikis. 29:28

Abu Ekapolon kirita ikes anakwap kec anaŋoit keŋ, anadedeŋu keŋ ka ananyunyura keŋ, ido kirita ikes nakwap ace, lopite ŋolo eyakatar ŋakiro tokona.’

Ŋikis. 31:28

Tocun neni kaŋ ŋikasikou daadaŋ ŋulu a ŋikabilae kus ka ŋikapolokinitok ŋituŋa kus, ikotere ayoŋ alimuni ŋakiro nu epupete ikes, onyarau nakuj ka nakwap kisuudata ŋakiro ŋuna a eŋerenu kec.

Ŋikis. 32:1

Okoe kidiama, topupok, ido erwor ayoŋ, okoe akwap kiira ŋakiro ŋuna erworo ayoŋ.

Ŋikis. 7:4

anerae epedorete ŋun akiteŋer ŋidwe kus akiwuapit ŋakiro kaŋ, tosodi kitiyanakis ŋakujo ŋace. Ebuni nai Ekapolon aŋoikin iyes nooi, ido ikimunyari iŋes iyes atipei.

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

Ŋikis. 8:20

Imunyarosi iyes lopite ŋolo amunyarotor ŋituŋa a ŋakwapin ŋulu amunyari Ekapolon alokiŋaren kus, anerae nyiwuapa iyes ŋuna alimu Ekapolon Akuj kus.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Yos. 24:20

Ani ca kiŋero iyes Ekapolon, kitiyanakis ŋakujo ŋunagelae, ikimani iŋes iyes, ido ikisican, itomunya iyes, torae bo sek ajok Ekapolon aneni kus.”