Ŋikis. 4:13 - Ebaibul

¹³ Abu iŋes itolimok iyes acamunet keŋ ka iyes ŋina ikicik iyes akiwuap, acamunet ŋin iŋes ŋakiciketa ŋunatomon, ŋuna abu iŋes kigir namoru ŋunadapal ŋaarei.

Ŋikis. 4:13 Iomraidhean Croise

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

Ŋikiru. 119:4

Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Awos. 19:5

Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 34:1

Tema Ekapolon neni a Moses, “Kicieu ŋamoru ŋunadapal ŋaarei, ŋuna ikote ŋunakuar a ekiŋaren, ido egiri ayoŋ nen ŋakiro ŋunakuar egirir namoru ŋunadapal ŋuna a ekiŋaren, ŋuna ibu iyoŋ tobwaŋ.

Awos. 34:28

Abu Moses kiboiyoto ke Ekapolon alokidiama emoru ŋapaarasya ŋatomoniomwon ka ŋakuwarisya ŋatomoniomwon emam akimuj imuji, kori ŋakipi emasi. Abu Moses kigir namoru ŋunadapal ŋun ŋakiro ŋuna ka Acamunet, ikes Ŋakiciketa ŋunatomon.

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

Ŋikis. 4:12

Abu nai Ekapolon kirwor neni kus eyai narira. Ipupete iyes ŋakiro keŋ, nai pa iteete iyes iŋes, ipupete iyes etoil bon.

Ŋikis. 4:14

Apaki ŋin, abu Ekapolon ekecik ayoŋ akitatam iyes ŋikisila ka ŋakiro ŋuna etubunitoe, ikotere iwuapete iyes ikes anakwap a ŋina eapi iyes alomar ka akiboiyo.

Ŋikis. 5:22

Abu Ekapolon tolimu ŋakiro ŋun ke etoil a ŋolo apolon neni ka atukot kus a daadaŋ alomoru; abunit etoil ŋol anarira, alodou ka anakiryonut a ŋinakiryonon cuc, ido abu nyiatak ŋakiro ŋace. Abu iŋes kigir ŋakiro ŋun namoru ŋunadapal ŋaarei, ido okoinak ayoŋ.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.