Ŋikis. 4:1 - Ebaibul

¹ Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:1 Iomraidhean Croise

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋikiru. 119:4

Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Awos. 18:20

Kitatam ikes ŋikisila ka ŋakiciketa ŋuna ka Akuj, kimyek ikes toyenut epite ŋolo emaikina ikes kiboiyoto ka ŋuna emaikina ikes kitiyata.

Yer. 11:6

Okolimok Ekapolon ayoŋ tema, “Kisera ŋakiro nu alotaunio a Yudaya a daadaŋ ka alorotin a Yerusalem. Kiirasi ŋakiro a acamunet a na ka kiwuapa ikes,

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Ŋilep. 18:5

Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

Ŋilep. 19:19

Kiwuapa ŋakiro ŋuna atubunit ayoŋ. Kiuryasi ŋibaren kus ŋulu egelegelya ŋikabilae nyesuposi. Nyiekis ŋikinyom kus ŋulu egelegelya lomanikor epei. Nyinap ŋilowi ŋulu edonyunitoe alolowi a ŋiarei a ŋulu egelegelya.

Ŋilep. 19:37

Kiwuapa ŋakiro kaŋ ŋun daadaŋ ŋuna atubunit ayoŋ ka ŋikisila kaŋ daadaŋ, ido totamunito ikes. Arae ayoŋ Ekapolon.’ ”

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋilep. 22:31

“Alopite a ŋol, iwuapete iyes ŋakiciketa kaŋ ka iricete ikes. Arae ayoŋ Ekapolon.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋikis. 1:3

Ekaru ŋolo a ŋatomoniomwon, elap ŋolo a ŋitomon ka epei ŋirwa ke elap epei, kirwor Moses neni a Ŋisirael ikwapei ecikitor Ekapolon iŋes akirwor neni kec.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 11:32

emaikina iyes kiwuapa ejok ŋakiro daadaŋ ŋuna etubunitoe ka ŋikisila ŋulu adau ayoŋ alimokin iyes nakoloŋit na.

Ŋikis. 13:1

Ani ketakanut alokidiŋ kus ŋikadwarak, kori ŋikerujak ŋulu edwarete ŋuna eponito itolimokis iyes ŋakitoodyanakineta a ŋakiro a ŋuna epote, kori ŋaumonokineta,

Ŋikis. 16:20

Kiwara akiyookino ka emaikina iyes kiwara akiyookino bon, ikotere iboiyete ka ituruworete akwap ŋina ikiini Ekapolon Akuj kus ŋina kus.

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 30:19

Anyarae ayoŋ nakuj ka nakwap kisuudata ŋuna iseunete iyes nakoloŋit na, ewuak ayoŋ kiŋaren kus akiyar ka atwanare, arereŋu ka ŋilam. Toseutu tokona akiyar, ikotere iyes iyarete ka ŋiletok kus,

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 4:45

Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 4:8

Emam ŋituŋa a akwap ka adio ŋulu eyakar ŋakiro ŋuna etubunitoe, ŋikisila ŋulu iyookino ikwa ŋakiciketa nu ŋuna tokona alosi ayoŋ ainakin iyes nakoloŋit na.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋikis. 6:24

Abu nai Ekapolon ikicik isua akiwuap ŋakiro ŋuna etubunitoe daadaŋ, akitopoloorit Ekapolon Akuj kosi aŋuna ka arubakinia anajokis, ikotere ikiyoki iŋes isua ikiyari, lopite ŋolo ikiyakar tokona.

Ŋikis. 7:11

Aŋun, kiwuapa ejok ŋakiciketa, ŋakiro ŋuna etubunitoe ka ŋikisila, ŋakiro ŋuna ekecik ayoŋ iyes nakoloŋit na.

Ŋikis. 8:1

Emaikina iyes kiwuapa ŋakiciketa daadaŋ ŋuna ekecik ayoŋ iyes nakoloŋit na, ikotere iyes iyarete ka topitut, tolomasi ka kiboikinos nakwap ŋina abu Ekapolon kiik anakikoŋ ainakin neni atapapaa kus.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋikis. 9:1

Kiirasi, okoe Ŋisirael! Aapuu iyes adokar ekekwaye Yorodan nakoloŋit na aŋuna ka alomar nakwap ŋina a Kanaan, kiritasi ŋituŋa a ŋakwapin ŋulu elalak ka egogoŋ akilo iyes, ŋulu iboiyete alotaunio a ŋulu apolok a ŋulu edukitoe ŋaduketa ŋunajiet ŋuna aoyak nooi,

Yos. 3:9

Tema nai Yosua neni a Ŋisirael, “Toapuutu neni kaŋ, kiirasi ŋakiro ŋuna ke Ekapolon Akuj kus.”