Ŋikis. 33:9 - Ebaibul

⁹ ŋulu apotu temasi neni atapapa kec ka atatoto kec, “Nyikimisitae isua iyes.” Apotu ikes nyemitakis ŋiyeneta kec ka toŋero ŋidwe kec, anerae ericito ikes ŋakiro kon ka ericito Acamunet kon.

Ŋikis. 33:9 Iomraidhean Croise

Akisy. 29:32

Abu Lea topoti, ido kidou ikoku ŋinisapat, tolimok ekiro keŋ Ruben, anerae abu iŋes tema, “Aŋuna aanyuwarya Ekapolon ŋican kaŋ, kire jik akaminakini tokona ayoŋ ekile kaŋ.”

1 Ŋakiro a ŋirwa 17:17

Meere ŋun bon isileereu iyoŋ okoe Ekapolon Akuj, ilimu iyoŋ tari ŋuna itiyakini lotuŋa a ekal a eketiyan kon alorwa a ŋulu epote. Ikitusubunit iyoŋ ayoŋ ituŋanan ŋini apol nooi, okoe Ekapolon Akuj!

Yob 37:24

Aŋun, ŋituŋa kitopoloosi Akuj, nyemitakinit Akuj ituŋanan ŋini etami atemar aos iŋes.”

Ŋikiru. 119:57

Ekapolon iŋes erae ibore daadaŋ ŋini acamit ayoŋ; adau ayoŋ akiikin akiwuap ŋakiro kon.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Ŋilep. 21:11

Nyemaikina iŋes toloma nakibois ŋina eyai ituŋanan ŋini etwanit; nyemaikina iŋes toruwor ŋolo itoroniyaritae tari kerae ituŋanan ŋin papa keŋ, kori toto keŋ.

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Mat. 12:48

Toboŋok Yesu iŋes tema, “Ŋae toto kaŋ ka ataŋae ŋikaitotoi kaŋ?”

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Luk. 14:26

“Ŋinituŋanan ebuni neni kaŋ, nyeruwor ekaakewuapan, mati kakaminaki iŋes ayoŋ nooi akilo papa keŋ, toto keŋ, aberu keŋ, ŋidwe keŋ, atalokaato keŋ, atanakaato keŋ ta akiyar keŋ a ilope.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

1 Ŋites. 2:4

Nai akilo, erae ŋuna ikirworo isua jwi jwi ŋuna ecamit Akuj isua kirworoe, anerae adau iŋes aryamun isua ikirae ŋulu emaikina ikicikakin Ŋakiro ŋuna Ajokak. Aŋun, nyikirworo isua aŋuna ka akitalakar ŋituŋa, nai akitalakar Akuj ŋina eyeni ŋuna eya lotai kosi.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.