Ŋikis. 33:3 - Ebaibul

³ Okoe iyoŋ ŋolo ikiminasi ŋituŋa daadaŋ, iyoki iyoŋ ŋituŋa daadaŋ ŋulu asegak, ilipete ikes neni kon, iwuapito ikes ŋakiro ŋuna ilimokini iyoŋ ikes.

Ŋikis. 33:3 Iomraidhean Croise

Ŋikiru. 31:15

Nakan kon eyai akiyar kaŋ; toiunae ayoŋ alomoe kaŋ, a ŋulu ekemanito ayoŋ.

Ŋikiru. 47:4

Abu iŋes toseu akwap ŋina eruwor ŋina yok, akwap ŋina ikijoikini iwon Ŋisirael ŋulu ikirae ŋituŋa keŋ.

Ŋikiru. 50:5

Irworo iŋes ebala, “Tocunutu neni kaŋ ŋituŋa kaŋ ŋulu seuna, ŋulu apotu ocamunos ka ayoŋ anamuronot a ŋina aponi kitiyae.”

Ŋakit. 2:1

Ikaakoku, ani kicamu iyoŋ ŋakiro kaŋ, ido kikinyom alotau kon ŋakiciketa kaŋ,

Ekal. 9:1

Abu ayoŋ otamatama ŋakiro ŋun daadaŋ, ido abu oyenu atemar napedor ŋina ka Akuj iŋes eyakasi ŋulu iyookino ka ŋikaosok ta ŋuna itiyaete ikes, nai mam ituŋanan eyeni kerae amina ebuni neni keŋ; kori ŋiman epote neni keŋ.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Osea 11:1

Apaki ŋina ariŋaakar Isirael erae ikoku, abu ayoŋ ominak iŋes, abu ayoŋ onyarau lokoku kaŋ alo Ijipit.

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Mat. 23:2

tolimok tema, “Ŋiketatamak a Ŋikisila ka Ŋiparisayon ikes einakinitae apedor ŋinakitatamet Ŋikisila a Moses.

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Luk. 2:46

Kedaunosi ŋirwa ŋiuni, apotu toryamut iŋes alotooma Akai ka Akuj iboiyete ka ŋiketatamak, epupi ŋuna erworosi ikes, nabo kiŋisenenee ikes ŋakiro.

Luk. 8:35

Toloto ŋituŋa aanyun ŋakiro ŋuna apotu kitiyakin. Potu neni a Yesu, toryamut ekile ŋolo etolomunere ŋipyan iboi a nakejen a Yesu, enapit ŋilowi, kejokyar akeekuwan; tokuryaketa ikes.

Ŋitic. 22:3

“Arae ayoŋ Eyudayat ŋolo ekedounitoe alo Taso anakwap a ŋina a Cilicia, nai eketopolounitoe a ne alo Yerusalem, arae ekasyoman ŋolo a Gamaliel. Abu iŋes eketatam ayoŋ ejok epite ŋolo itemokino ewuapitor Ŋikisila ŋulu atapapaa yok ka abu ayoŋ olelaki Akuj nooi ikwapei tokona ilelakinitotor iyes daadaŋ a ne.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Yoa. 4:19

Eyai iwon amina, anerae aris sek Akuj kikiminak iwon.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.