Ŋikis. 33:28 - Ebaibul

²⁸ Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.

Ŋikis. 33:28 Iomraidhean Croise

Akisy. 27:28

Elipi ikiinak Akuj iyoŋ akiru anakuj ŋina isikopi ŋalup ka kitojok ŋalup torata ŋuna etiitiyete, ikiinak iŋes iyoŋ ŋikinyom ŋulu alalak ka epiini ŋolo alalan.

Akisy. 27:37

Toboŋok Isaka Esau tema, “Adau ayoŋ akituruwor Yakob ekapolon kon ka adau ainakin ŋikaitotoi keŋ daadaŋ aruwor ŋiketiyak keŋ, ainak ayoŋ neni keŋ ŋikinyom ka epiini. Anukiro nai tokona emaikina ayoŋ etiya neni kon lokoku?”

Akisy. 27:39

Toboŋok Isaka iŋes tema, “Kiira elwaniar akibois kon analup a ŋuna ajokak a ŋuna etiitiyete ka aneni isikopiyonokini akiru ilimi.

1 Ŋirw. 5:5

Aŋun nai, acamit ayoŋ akiduk Akai ka Akuj aŋuna a ekiro a Ekapolon Akuj kaŋ, lopite ŋolo alimokinitor Ekapolon papa kaŋ Daudi apaki ŋina alimunio ebe, ‘Lokoku kon ŋolo elunyokini ayoŋ lokicoloŋ kon, iŋes edukokini Akai ka Akuj aŋuna a ekiro kaŋ.’

Ŋikiru. 68:26

“Kipuroe Akuj anatukot a ŋituŋa a ŋina alalan, kipuroe Ekapolon iyes daadaŋ ŋiletok a Yakob!”

Awos. 33:16

Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Ŋakit. 3:20

abu aosou ka Akuj kituruwo ŋaŋololin neni elelyaata ŋakipi ka kituruwo ŋidouwon neni eponianata ŋakipi kwap.

Isa. 48:1

“Kiirasi ŋakiro nu okoe ŋiletok a Yakob ŋulu ikinyaritae a ekiro a Isirael ka ŋulu irae ŋulu anateker a Yuda, iyes ŋulu ikoŋete a ekiro ke Ekapolon ka ŋulu ilipete inyarito Akuj a Isirael, nai pa irworosi ŋuna a kire kori pa iyookino;

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Yer. 49:31

“Tonyoutu, toloto kitijikis ŋituŋa a akwap a ŋina iboi emam ŋace, akwap ŋina emam ŋimoe imanito. Akwap ŋina emam ŋipukei, kori ŋasuwa ŋuna egolere ŋipukei a etaun, akwap ŋina iboi bon.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Sakar 14:11

Iboikinosi ŋituŋa Yerusalem, mam nabo nyemunaaryo iŋes jik; erubakini Yerusalem eyakar akinapakina.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Ekim. 23:9

Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Ŋikis. 11:11

Nai akwap ŋina elosete iyes tooma keŋ akiboiyo, erae akwap ŋina a ŋikamukumukui ka ŋakadipaalae, akwap ŋina erae akiru itapalalit,

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 33:12

Abu Moses kirwor ŋakiro nu aŋuna a ŋituŋa a ekabila a Benjamin: “Erae ŋiletok a Benjamin ŋituŋa ŋulu emina Ekapolon, iyoki Ekapolon ikes apaaran jwi, iboiyete ikes aneni a Ekapolon emam ŋace.”

Ŋikis. 33:13

Abu Moses kirwor ŋakiro nu aŋuna a ŋituŋa a ekabila a Yosepu: “Elipi kiterereŋ Ekapolon akwap kec a akiru a ŋina itemokino ka ŋakipi ŋuna eitunito alokwap

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.