Biblia Todo Logo
Bìoball air-loidhne

- Sanasan -




Ŋikis. 33:27 - Ebaibul

27 Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

Faic an caibideil Dèan lethbhreac




Ŋikis. 33:27
48 Iomraidhean Croise  

Nai erubakini akau a ŋikaleŋeleŋe keŋ iketakina, isimukekinio ŋakan keŋ ajiore anapedor a ŋolo Etiron a ŋolo a Yakob; ka alokiro a Ekeyokon a ŋolo erae aupal a Ŋisirael,


Aŋun, abu ayoŋ otema, “Okoe Akuj kaŋ, nyikilema ayoŋ tokona eriŋa nyemojoŋa; okoe Ekapolon, iyoŋ erubakinete ŋikaru kon ananyameta a daadaŋ.”


Ikiyoki iyoŋ ayoŋ anawaetin a daadaŋ ikiyoki iyoŋ ayoŋ a apedor kon.


Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.


Akaiuni iŋes ayoŋ apaki ŋina a ŋican; ekedari iŋes ayoŋ anakibois a ŋina eyai iŋes ka ekesiboikini iŋes ayoŋ nakibois ŋina aiunor.


Ejok nooi amina kon ŋina nyiryaŋiryaŋa, okoe Akuj! Eryamunete ŋituŋa daadaŋ aiuno aneni kon lopite ŋolo eiunotor ŋicwi anabebenuk a toto kec.


Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.


Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.


Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.


Etoodiu Akuj atemar eiun ŋituŋa a nen, aneni eyai iŋes;


Akuj ŋina erae iŋes ipukat ŋinapei koloŋ jik, iŋes iirari ŋakiro kaŋ, ido kituruwo ikes ŋicaryo; anerae nyiloconokinete ikes ŋipitesyo kec, ido nyitopoloorito Akuj.


Kiserata apedor ŋina ka Akuj, Akuj ŋina eyai apolou keŋ ŋina ailiilon Isirael, Akuj ŋina eyai apedor keŋ kidiama


Toruwor aneni kaŋ ataaba ŋina aiunor ayoŋ, toruwor aduketait ŋina ajio ŋina agogoŋon ŋina akaiuni ayoŋ, anerae irae iyoŋ ataaba kaŋ ŋina kiupala ka aduketait ŋina ajio ayoŋ.


Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.


anerae ituruwo iyoŋ Ekapolon neni iunor iyoŋ, ituruwo iyoŋ Akuj ŋina alokidiama nooi neni iboiyo iyoŋ.


Ewuakini ayoŋ ekabule neni a ŋimoe kus. Eritari ayoŋ Ŋiipi, Ŋikanaani ka Ŋiitaiti anakwap a ŋin apaki ŋina idolioto iyes nen.


“Kirica ŋakiro ŋuna ekecik ayoŋ iyes nakoloŋit na. Kiirasi, eritari ayoŋ alokiŋaren kus Ŋiamori, Ŋikanaani, Ŋiitaiti, Ŋiperisi ka Ŋiipi ta Ŋiyebusi.


Ani ŋinibore eponianata ŋatyokisyo, edaunun ŋulu aronok, nai eiuna a ŋinapaki ŋituŋa ŋulu iyookino.


Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.


Okoe kerae ca kiwuak iyoŋ akan kon ŋina alokedyeny namedo kaŋ ka itotun ayoŋ ka akan kon a ŋina aloteten.


anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,


Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,


Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.


Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.


Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”


Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.


Kitipeiyosi nakwap a Merasaim, toloto kitijioto ŋituŋa keŋ, kitijikis ŋituŋa a Pekod, tomunyasi ikes daadaŋ nyidoŋ tari ipei. Kitiyata daadaŋ ŋuna akalimok ayoŋ iyes akitiya.


Torae bo ayoŋ arikit ŋituŋa a Epuraim elosete, ayoŋ abu eŋarak ikes a ŋakan kaŋ, nai nyeyenete ikes atemar abu ayoŋ etaŋaleu ikes.


Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.


Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”


Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.


“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.


Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.


Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.


ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.


ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.


Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.


Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.


Abu Ekapolon Akuj tobwaŋ alokiŋaren kosi ŋakwapin daadaŋ kaapei ka Ŋiamori ŋulu alomito nakwap na. Aŋun, ikicamit isua daŋ akitiyanakin Ekapolon, anerae erae iŋes Akuj kosi.”


Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.


Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.


Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.


Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”


Lean sinn:

Sanasan


Sanasan