Ŋikis. 33:25 - Ebaibul

²⁵ Elipi toruworos ŋikekya ŋulu egolere ŋitaunio kec ŋulu itiyaunitae a ŋasuwa ka eburonis, ka elipi torubak agogoŋu kec ŋirwa daadaŋ ŋulu ka akiyar kec.

Ŋikis. 33:25 Iomraidhean Croise

Akisy. 49:20

Eruwor akimuj ŋina ka Aser ŋina etuman, eruwor akimuj ka Aser ŋina ikwaan ka ŋina imujete ŋirwosi.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 147:13

anerae etogogoŋ iŋes ŋasuwa ŋuna a ŋipukei kon, ido eterereŋ ŋituŋa kon alotooma kon.

Isa. 40:29

Einanakini epedor neni a ŋulu eleleny, einanakini agogoŋu neni a ŋulu emam apedor.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Luk. 15:22

Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋiep. 6:15

ka tonapa ikwa ŋamuk ekibure ŋolo ka alimonokin Ŋakiro ŋuna Ajokak ŋuna ke ekisil a ŋolo ka Akuj.

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 8:9

akwap ŋina imujata iyes emam akicanakin akimuj, neni emam ibore icanakinosi iyes, akwap ŋina erae ŋamoru keŋ ŋasuwa ka alokamukumukui a akwap ŋin ibokunete iyes ŋasuwa ŋuna nyaŋayek.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

Yos. 14:11

Eriŋa akuwan kaŋ egogoŋ lopite ŋolopei agogoŋio apaki ŋina ekeyakiyaritor Moses ayoŋ. Eriŋa ayoŋ ayakar agogoŋu ŋinajiet ka ŋinakitiyaet etic daadaŋ.