Ŋikis. 33:12 - Ebaibul

¹² Abu Moses kirwor ŋakiro nu aŋuna a ŋituŋa a ekabila a Benjamin: “Erae ŋiletok a Benjamin ŋituŋa ŋulu emina Ekapolon, iyoki Ekapolon ikes apaaran jwi, iboiyete ikes aneni a Ekapolon emam ŋace.”

Ŋikis. 33:12 Iomraidhean Croise

2 Sam. 12:24

Aŋun, abu Daudi tolot akisirworiun Basiseba aberu keŋ, ekaku tolot iŋes kai a Basiseba kiryamakinos ka iŋes; touru Basiseba ikoku ŋinisapat, tolimok Daudi ekiro a ikoku a ŋin Solomon. Tominak Ekapolon Solomon.

2 Sam. 12:25

Kiyakiya Ekapolon akirot neni a Daudi aneni a Nasan a ekadwaran atemar, tolimokinae ekiro a ikoku Yedidia apolou keŋ atemar emina Ekapolon iŋes.

1 Ŋirw. 12:21

Ani edoluni Reoboam Yerusalem, tocunak ŋituŋa ŋulu ke ekabila a Yuda ka ŋulu ke ekabila a Benjamin, ŋituŋa ŋulu aseunitae ŋulu adolit ekimar kec ŋalipyo amiat ka ŋatomonikanikauni, ŋulu amaikina kitijioto Ŋisirael, ikotere inyakunete apukan a Isirael neni a Reoboam a lokoku a Solomon.

2 Ŋakiro a ŋirwa 11:1

Ani edoluni Reoboam Yerusalem, tocunak ŋituŋa ŋulu ke ekabila a Yuda ka ŋulu ke ekabila a Benjamin, ŋituŋa ŋulu aseunitae ŋulu adolit ekimar kec ŋalipyo amiat ka ŋatomonikanikauni, ŋulu amaikina kitijioto Ŋisirael; ikotere inyakakinete apukan a Isirael neni a Reoboam.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Ŋikiru. 132:14

Atema, “Ne iŋes eboiyo ayoŋ ŋikaru ka ŋikaru; ne iŋes adau ayoŋ acamun akiboiyo.

Ŋikiru. 60:5

Toiunae isua, anagogoŋu kon, kiŋarakinae isua, ikotere elakunio ŋulu imina iyoŋ.

Ŋikiru. 91:4

Ikimukori iŋes iyoŋ nyiloma locan, ido iryamuni iyoŋ neni iunor aneni keŋ; ikwaanikin akikinyoma keŋ ka aupal ŋina ikiuni alojie.

Awos. 28:12

ido toenik ŋamoru ŋun ŋunaarei naraco ŋuna eya narapet aloseketa. Eruwor ŋamoru ŋun ŋuna etamunitere ŋidwe a Yakob ŋulusapa, Aron iŋes emaikina eryoŋit ŋirorwa ŋul aloseketa keŋ, ikotere Ekapolon etamunitor ŋituŋa keŋ.

Isa. 37:22

ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Yer. 12:7

“Aŋer ayoŋ ŋituŋa kaŋ, emyek ayoŋ ŋituŋa ŋulu apotu toruwor ŋulu kaŋ; epoto ayoŋ ŋituŋa ŋulu amina ayoŋ alotau kaŋ, ainak ikes napedor a ŋimoe kec.

Ekim. 34:21

Alokabila a Benjamin Elidad lokoku a Kisilon.

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Ŋikis. 32:11

Ikwaŋina irimirimokinia egole akai keŋ epori alokidiama ŋicwi keŋ; apaki ŋina epetarya iŋes ŋabebenuk keŋ todaka ikes kidiama igaŋit ikes a ŋabebenuk keŋ.

Ŋikis. 33:11

Okoe Ekapolon, kiterereŋ apiiryanut kec ka tocamu ŋiticisyo kec, toreu ŋimoe kec daadaŋ, ikotere nyepotu nabo akitijiore ikes.

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Ŋikat. 1:21

Nai apotu ŋituŋa a Benjamin nyiritasi Ŋiyebusi ŋulu eboiyete alo Yerusalem, aŋun, iboiyete Ŋiyebusi ŋinapei koloŋ kaapei ka ŋituŋa a Benjamin tari tokona.

1 Sam. 10:20

Tonyarau nai Samuel ŋikabilae a Ŋisirael daadaŋ neni keŋ. Toseunae anakilamilam ekabila a Benjamin.