Ŋikis. 32:35 - Ebaibul

³⁵ Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

Ŋikis. 32:35 Iomraidhean Croise

Akisy. 4:23

Tema Lamek neni a ŋaberu keŋ, “Ada ka Sila, kiirarae ayoŋ, iyes ŋaberu kaŋ; topupokisi ŋakiro kaŋ! Aar ayoŋ ekile aŋuna akawania ayoŋ, aar ayoŋ esorokit aŋuna akaramya ayoŋ.

2 Sam. 22:48

Irae iyoŋ Akuj ŋina ibu ikiinak ayoŋ akinyaŋar, ido ikiinak ayoŋ akipuka ŋituŋa a ŋakwapin,

2 Ŋirw. 9:7

Itemokino iyoŋ tomunya ŋituŋa ŋulu ka Aab a erwosit kon, ikotere ayoŋ enyaŋa aneni a Yesebel ŋaokot ŋuna a ŋikadwarak a ŋulu arae ŋiketiyak kaŋ ka daŋ ŋaokot ŋuna a ŋiketiyak a daadaŋ a ŋulu ke Ekapolon.

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Awos. 32:34

Nai tokona, ape ya ŋituŋa nakibois ŋina akalimok ayoŋ iyoŋ; kiira ikiŋarenikini iyoŋ emalaika kaŋ. Kikote neni daŋ, akoloŋit ŋina esicania ayoŋ ŋituŋa ŋul, esicani ikes aŋuna ka asecit kec.”

Ŋakit. 4:19

Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

Isa. 13:22

Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Isa. 60:22

Tari ekal ŋolo sek edit aneni kec, eruwor ateker, eruwor ateker kec ŋina sek edit akwap apei. Arae ayoŋ Ekapolon, esiyookini ayoŋ ŋun atipei anapaki a ŋina itemokino.

Isa. 8:15

igukini ŋulu alalak alokidiŋ kec, ibusokinosi ikes tobilas, ikamunio ikes torikoroe.”

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 23:12

“Aŋun, erae ŋuna iwuapito ikes nakou kec, ikwaanikin ŋuna iwuapito ikes ka akiwuapit erot ŋolo ecurut iryono akwap, emyaaryo ikes nen kibusokinos; anerae ayauni ayoŋ ŋican neni kec alokaru a ŋolo isicanere ikes.

Yer. 51:56

anerae apotu ŋikenyasak Babilon, ekamar ŋikajiok a Babilon, abilibilaar ŋakawo a ŋikaleŋeleŋe kec, anerae erae Ekapolon Akuj ŋina enyaŋan inyaŋari iŋes ŋakiro a ŋimoe keŋ lotyae ŋolo itiyatotor ikes.

Yer. 6:21

Aŋun, alimu Ekapolon ŋakiro nu, “Kiirasi ewuak ayoŋ aŋuna a ŋituŋa a lu, akigukinet ŋina isibusokini ikes, isibusokini akigukinet ŋin ŋikauruunak ka ŋidwe, emunyarosi ŋikidunyet ka ŋikonei.

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 7:5

“Ŋakiro ŋuna irworo Ekapolon ikes nu, ‘Ŋican ka ŋican bon ianyunete epote neni kus.

Osea 13:12

Idyasitae aronis a ŋituŋa a Epuraim, igiritae ŋasecisya kec lokitaabo.

Ŋilep. 19:18

Nyiwara akinyaŋ ŋakiro, kori akimanit ŋituŋa kus, nai tomina ikonikidunyet ikwa ŋina iminar iyoŋ akonikuwan. Arae ayoŋ Ekapolon.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ŋirom. 12:19

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

Ŋirom. 13:4

Anerae erae iŋes eketiyan ŋolo ka Akuj, ŋolo itiyae etic keŋ aŋuna ka akiŋarakin iyoŋ. Nai ani kitiya iyoŋ ŋuna aronok, itemokino tokuryaniar aneni keŋ, anerae eyakar iŋes apedor ŋinakisicanet iyoŋ. Erae iŋes eketiyan ŋolo ka Akuj ŋolo eyauni akisicanet ŋina ka anyunyura a ŋina ka Akuj neni a ŋulu itiyaete ŋuna aronok.

Ŋikis. 32:43

“Okoe ŋituŋa a ŋakwapin, kitopoloosi ŋituŋa a Ekapolon kilipa neni keŋ iyes ŋakujo daadaŋ, anerae inyaŋi iŋes ŋaokot a ŋiketiyak keŋ, inyaŋi ŋakiro a ŋimoe keŋ, isicani ŋulu eremokino iŋes, tolema aronis anakwap a ŋituŋa keŋ.”

Ŋibur. 10:30

Anerae ikiyeni iwon atemar abu Akuj tema, “Erae akinyaŋanar ŋina kaŋ; ayoŋ elope enyaŋari” ka nabo abala, “Etubokini Ekapolon ŋituŋa keŋ.”

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

1 Sam. 26:10

Tema Daudi, “Ekoŋi ayoŋ alokiro a Ekapolon a ŋolo eyari atemar, eari Ekapolon iŋes, kori edoli akoloŋit ŋina etwania iŋes; kori elosi iŋes apeikoloŋit lojie toarae a nen.