Ŋikis. 32:20 - Ebaibul

²⁰ Kirwor tema, “Ewuai ayoŋ ereet kaŋ aneni kec, eteuni ayoŋ eŋolik epite ŋolo emunyarotor ikes, anerae erae ikes anyamet ŋina aronon, ŋidwe ŋulu emam akikinyoma.

Ŋikis. 32:20 Iomraidhean Croise

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Yob 13:24

Kaanukiro iwuitor iyoŋ ereet kon ka ikimaritor ayoŋ arae emoit kon?

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Yer. 18:17

Ealari ayoŋ ikes alokiŋaren ŋimoe kec, lopite ŋolo ielarya ekuwuam ŋolo ekutunit alo Kide apuwa. Amuleni ayoŋ ikes, nyetoodikini ayoŋ ikes ereet kaŋ, akoloŋit ŋina eyakaunotor locan kec.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Mat. 17:17

Toboŋok Yesu tema, “Iyes ŋituŋa ŋulu nyinupito ka ŋulu ioliyorito! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Mar. 9:19

Tolimok Yesu ŋituŋa tema, “Iyes ŋituŋa ŋulu emam anupit! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Luk. 18:8

Akalimokini ayoŋ iyes atemar, einakini iŋes ikes ibore ŋini ecamito atipei. Nai ŋina ebunio Lokoku a Ituŋanan, eryamuni mono iŋes anupit anakwap a?”

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Ŋikis. 32:5

Nai etiyata ŋidwe keŋ ŋulu esyaak ŋuna nyejokak neni keŋ, erae ikes anyamet ŋina aronon ka ŋina enyasan.

Ŋikis. 9:23

Nabo ani ikitowotokini iyes Ekapolon alo Kades-Berinea ebala, “Kitipeiyosi kituruwosi akwap ŋina akainakinit ayoŋ iyes ŋina kus,” ipotu iyes toŋero ŋakiro ŋuna ikilimokinit Ekapolon Akuj kus iyes, ipotu iyes nyikinyoma, kori nyicamut akiwuap ŋakiro keŋ.

2 Ŋites. 3:2

Kilipa daŋ, ikotere itoiu isua Akuj aneni a ŋituŋa a ŋulu asecak, a ŋulu aronok, anerae nyenupito ŋituŋa daadaŋ ŋakiro ŋuna ka Akuj.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Yos. 23:10

Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.