Ŋikis. 32:15 - Ebaibul

¹⁵ Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 32:15 Iomraidhean Croise

2 Sam. 22:47

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ, ataaba ŋina kiupala, ŋina ka aiuno kaŋ,

1 Ŋakiro a ŋirwa 5:25

Nai apotu ikes tomwaŋa Akuj ŋina atapapaa kec, tomalaana aneni a ŋakujo a ŋituŋa ka akwap a ŋin, a ŋituŋa a ŋulu sek aris Akuj kirita alokiŋaren kec.

2 Ŋakiro a ŋirwa 12:1

Kedau Reoboam akisicat apukan keŋ ka agogoŋior ikwapei erwosit a Yudaya, abu iŋes kaapei ka Ŋisirael daadaŋ toesikis akiwuapit ŋikisila ŋulu ke Ekapolon.

2 Ŋakiro a ŋirwa 26:16

Ani eyenuni Usia atemar agogoŋior, abu kiturokin, ido abu akiturokin keŋ inak iŋes aruwor ekoŋinait. Abu iŋes toŋer akikinyomit neni ke Ekapolon Akuj keŋ, abu toloma Kai ka Akuj akicuny ekinyate a Namuroet a ŋina ecunyeneneere ekinyate.

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Yob 15:27

Aŋuna aponiata ikes totuma torap atumes ŋakonyen ka toruwor ŋulu atumak anacirin,

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 119:70

Egogoŋ ŋakyes kec ka nyenomonorete ŋakiro, nai alakara ayoŋ alokisila kon.

Ŋikiru. 17:10

Emam akisyon alotai kec; iturosi ikes irworosi.

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Ŋikiru. 73:7

Ebukunun aronis alotai kec, eyeete ikes a ŋinapaki akitiya ŋuna aronok.

Ŋikiru. 81:11

“Nai apotu ŋituŋa kaŋ nyiirasi ŋuna erworo ayoŋ; apotu Ŋisirael nyekewuapa ayoŋ.

Ŋikiru. 89:26

Akanyarae iŋes ayoŋ etemari, ‘Irae iyoŋ papa kaŋ, Akuj kaŋ, ataaba ŋina aiunor ayoŋ.’

Ŋikiru. 89:27

Eturuwori daŋ ayoŋ iŋes lokoku kaŋ ŋolokiyae ka eturuwori ayoŋ iŋes erwosit ŋolo itopolooritae nooi alorwosi a ŋulu ka akwap.

Ŋikiru. 95:1

Potu, epuro Ekapolon; oeikisi ka alelyanu neni ka Akuj a ŋina erae akaiunan yok!

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 44:2

Alimu Ekapolon ŋolo ikisubuni iyes, ŋolo abu ikiyeu iyes anakookyes atatoto kus ka ŋolo abu ikiŋarak ebe, “Nyikuryaketa, okoe ŋiletok a Yakob a eketiyan kaŋ, okoe iyes ŋiletok a Isirael ŋulu adau ayoŋ aseun;

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 2:5

Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Yer. 5:7

Alipite nai ekesyonio ayoŋ iyoŋ? Akaŋero ŋituŋa kon ayoŋ, ido ikoŋete elimito ŋulu nyerae Akuj. Ani etani ayoŋ ikes kimwoko, aloto ikes akilip neni a ŋakujo, eloseneneete ka atoonyi nakais a ŋakujo.

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Ŋitic. 28:27

Anerae abaŋaaniyasi ŋatameta a ŋituŋa a lu, agol ikes ŋaki kec, arapa ŋakonyen kec. Kerae nyikote nen, keanyuwarito a ŋakonyen kec, kiirarito a ŋaki kec, nabo keyenunito a ŋitai kec, ido toboŋut neni kaŋ akitaŋaleuno!’ ”

Ŋitic. 9:5

Kiŋit Saulo tema, “Ŋae iyoŋ Ekapolon?” Toboŋok etoil tema, “Arae ayoŋ Yesu ŋolo isicanit iyoŋ.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋikis. 32:6

Okoe ŋituŋa ŋulu emam aosou, epite mono ŋol itiyaata iyes neni a Ekapolon a? Meere mono iŋes papa kus ŋolo ikisubuni iyes, ŋolo ikituruwori iyes ŋituŋa ka apei akwap a?

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.

Ŋikis. 33:5

Abu Ekapolon bu toruwor erwosit a Ŋisirael apaki ŋina acunakinotor ŋikarikok a ŋikabilae a Ŋisirael daadaŋ.

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.

1 Sam. 2:29

Kaanukiro nai iteoto iyes Ikwanikinito ŋamuronisya ka ŋainakineta ŋuna abala ayoŋ tolemutu, ido itopoloorito iyes ŋidwe kus ŋulusapa akilo ayoŋ aŋuna itutumyata ŋawat kus anasere neni ejok anainakineta a ŋuna akainakinito ayoŋ ŋituŋa kaŋ Ŋisirael?’