Ŋikis. 31:9 - Ebaibul

⁹ Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.

Ŋikis. 31:9 Iomraidhean Croise

1 Ŋirw. 8:3

Ani kedaut ŋikasikou a Ŋisirael daadaŋ acunun todakasi ŋisacaradotin Asaduku,

2 Ŋirw. 17:37

Kiricito jwi jwi ŋikisila ka ŋakiciketa ŋuna abu iŋes kigir aŋuna kus. Nyilipeneneete ŋakujo ŋace.

1 Ŋakiro a ŋirwa 15:2

Tema nai iŋes, “Mam ituŋanan ice, ŋini edakuni Asaduku mati ŋilepi bon, anerae abu Ekapolon toseu ikes adakit Asaduku ke Ekapolon ka akitiya etic keŋ ŋikaru ka ŋikaru.”

Neem. 8:2

Ikwapei alimunioto ŋituŋa, abu esacaradoti Esira yau ŋikisila kiŋaren atukot a ŋituŋa, kiŋaren ŋikilyok ka ŋaberu ta ŋituŋa daadaŋ ŋulu apedorito akiirar ka ayenun ŋakiro. Etiyakin ŋun akoloŋit ŋina esyaunan alolap a ŋolo a ŋikanikaarei.

Neem. 8:3

Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Awos. 24:4

Kigir nai Moses ŋakiro ke Ekapolon daadaŋ. Tonyou Moses ataparacu ŋinace, todukok Namuroet nakeju ke emoru, tosipok nen ŋamoru ŋatomon ka ŋaarei, ekimar ŋolo a ŋikabilae a Ŋisirael a ŋulutomon ka ŋiarei.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Ekim. 33:2

Abu Moses kigir ŋakiboisyo ŋuna awotonokiniata ikes apaki ŋina awosyata lopite ŋolo ecikitor Ekapolon iŋes. Erae nu ŋakiboisyo ŋuna alomeneneete ikes apaki ŋina awosyata:

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

Ekim. 4:5

“Apaki ŋina ewotokinia alomar, elomarete Aron ka ŋidwe keŋ ŋulusapa loeema tolacut anaŋga ŋina etyakit neni eyai Asaduku ŋina ka Acamunet ka akibois ŋinakilipet, emaikina ikes tolacut anaŋga ŋin kimukoryata Asaduku ŋina ka Acamunet,

Ekim. 4:6

torapakis ejamu ŋolo edaitae kidiama, topetakis nabo kidiama ejamu ŋol elou ŋolopus, ani irikakin kiwuakis ŋipirin neni emaikina eya.

Mar. 12:19

“Eketataman, egirit koloŋ Moses aŋuna kosi ebala, ‘Ani ketwana lokaato ke ekile, toesik aberu emam ikoku, irumi lokaato keŋ aberu ŋin, touruunia ŋidwe aŋuna a lokaato keŋ’.

Luk. 20:28

“Eketataman, egirit koloŋ Moses aŋuna kosi ebala, Ani ketwana lokaato keŋ ke ekile, toesik aberu keŋ emam ŋidwe, itemokino lokaato keŋ kirum aberu, touru ŋidwe aŋuna alokaato keŋ a ŋolo atwan.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Yoa. 5:46

Kerae kire tonupito iyes Moses, kikinupito iyes ayoŋ daŋ, anerae abu iŋes kigir ŋuna ekekamunito ayoŋ.

Ŋikis. 10:8

Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋikis. 17:18

Ani isiboikinio iŋes lokicoloŋ akipuka, emaikina iŋes toyakar ekitaabo ŋolo igiritae ŋikisila ŋulu kigiryo aŋuna keŋ toyakas ŋisacaradotin ŋulu erae ŋilepi.

Ŋikis. 31:28

Tocun neni kaŋ ŋikasikou daadaŋ ŋulu a ŋikabilae kus ka ŋikapolokinitok ŋituŋa kus, ikotere ayoŋ alimuni ŋakiro nu epupete ikes, onyarau nakuj ka nakwap kisuudata ŋakiro ŋuna a eŋerenu kec.

Ŋikis. 33:10

Itatamete ŋilepi ŋituŋa a Yakob ŋakiciketa kon ka itatamete Ŋisirael ŋikisila kon. Eyaununeete ikes ekinyate kiŋaren kon ka eyaununeete ŋainakineta ŋuna epeyo Namuroet kon.

Yos. 3:3

Kicika ikes ŋituŋa temasi, “Ani iŋolikinete iyes Asaduku ŋina ka Acamunet a ŋina a Ekapolon kus edakito ŋisacaradotin a ekabila a Lepi, itemokino iyes tonyout kiwuapakis,

Yos. 6:12

Ani taparacu iwalari, kisyokak Yosua akyenyun, tosodo ŋisacaradotin todaka Asaduku ŋina ka Acamunet a Ekapolon.