Ŋikis. 31:18 - Ebaibul

¹⁸ Akoloŋit ŋin, ewuai ayoŋ kire jik ereet kaŋ aŋuna a ŋasecisya a daadaŋ a ŋuna etiyata ikes, anerae ewuapa ikes ŋakujo ŋace.

Ŋikis. 31:18 Iomraidhean Croise

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

Awos. 34:15

Toceito icamunosi ka ŋituŋa ŋulu iboiyete anakwap a ŋina ilosete iyes, anerae ani elosete ikes akilip neni a ŋakujo kec ka yaasi ŋamuronisya nakujo ŋun, ikinyaraarete ikes iyes, ido tonyama iyes ŋamuronisya kec.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Yer. 33:5

Epote ikes akitijiore Ŋibabiloniyae ka akilelebikin ŋakis ŋun ŋituŋa ŋulu aari ayoŋ anaŋoit kaŋ ka ananyunyura kaŋ. Ewua ayoŋ ereet kaŋ aneni a ŋituŋa a etaun a lo aŋuna a ŋiticisyo a daadaŋ a ŋulu aronok a ŋulu itiyaete ikes.

Esek. 39:23

Eyenunete daŋ ŋituŋa a ŋakwapin atemar apotu Ŋisirael kielar nakwapin aŋuna ka asecit kec, anerae apotu ikes tojoŋoto akikinyomit ayoŋ. Aŋuna aponiata ikes kitiya ŋun, abu ayoŋ nyesiŋolikin ikes ka abu epotok ikes napedor a ŋimoe kec ka aponi toarae ikes daadaŋ.

Ŋikis. 31:19

Aŋun, kigir tokona eete lo ka kitatam Ŋisirael toanyut aeo eete lo, ikotere eruwor eete lo ŋolo elimorit ŋakiro kaŋ ŋuna etoroniyaritor ayoŋ Ŋisirael.

Ŋikis. 32:20

Kirwor tema, “Ewuai ayoŋ ereet kaŋ aneni kec, eteuni ayoŋ eŋolik epite ŋolo emunyarotor ikes, anerae erae ikes anyamet ŋina aronon, ŋidwe ŋulu emam akikinyoma.

Ŋikat. 2:17

Kikote neni daŋ, apotu Ŋisirael nyiirasi tari ŋakiro a ŋikatubok ŋakiro kec, anerae agogoŋ ekibure kec ŋolo ka akiwuap ŋakujo ka akilip neni a ŋakujo a ŋun. Apotu ikes atipei toŋero ŋuna sek ewuapito atapapaa kec ŋulu apotu kiwuapa ŋakiciketa a Ekapolon, nyiwuapa Ŋisirael ŋuna ewuapito atapapaa kec.