Ŋikis. 31:13 - Ebaibul

¹³ ikotere ŋidwe kus ŋulu sek nyeyenete ŋikisila, epedorete akiirar ka ayenun akitopoloorit Ekapolon Akuj kus ŋirwa daadaŋ ŋulu iboiyoto iyes anakwap a ŋina idokarete iyes alokekwaye Yorodan akituruwor ŋina kus.”

Ŋikis. 31:13 Iomraidhean Croise

Ŋakit. 22:6

Kitatam ikoku eriŋa edit akiwuap ŋuna iyookino, ikotere ani epolouni, nyimyek akiwuapit ŋun.

Ŋilep. 23:43

Aŋun, eyenunete ŋipapae kus atemar abu ayoŋ esiboi Ŋisirael losakaitei apaki ŋina ayaunia ikes alo Ijipit. Arae ayoŋ Ekapolon Akuj us.’ ”

Agai 1:12

Abu nai Serubabel lokoku a Sealtiel ka Yosua esacaradoti ŋolo Apolon nooi, lokoku a Yeosadak kaapei ka ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocamut ŋakiro ŋuna erworo Ekapolon Akuj kec ka ŋuna erworo ekadwaran Agai; ikwapei arisyo Ekapolon Akuj kec kiyaku iŋes. Tokuryaketa ŋituŋa aŋuna ke Ekapolon.

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 11:2

Totamutu nakoloŋit na atemar pa arae ŋidwe kus (eŋolikinito ka aryamunito ŋakiciketa ŋuna ke Ekapolon Akuj kus ŋuna ikitatamia iyes Ekapolon Akuj kus), nai arae iyes ŋulu emaikina tocamut iŋolikinito ailiil keŋ, apedor keŋ ŋina etiron ka agogoŋu keŋ,

Ŋikis. 31:12

Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,

Ŋikis. 31:14

Kirwor Ekapolon neni a Moses tema, “Aapuu apaki ŋina itwania iyoŋ, tonyarau Yosua, ido toloto kaapei ka iŋes tooma eema ŋolokilipet, ikotere olimok ayoŋ iŋes ŋuna emaikina kitiya.” Aŋun, apotu Moses ka Yosua toloto tooma eema ŋolokilipet.

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 6:7

Tolimonokisi ikes neni a ŋidwe kus, kirworo ŋakiro ŋun neni kec alorerya kus ka aneni daadaŋ iyakaunosi iyes, kirworo ŋun apaki ŋina iperyoto ka ŋina ikyenyuniata.