Ŋikis. 31:12 - Ebaibul

¹² Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,

Ŋikis. 31:12 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Ŋilep. 9:5

Apotu nai Ŋisirael yaasi ŋiboro ŋulu alimokinit Moses ikes, kiwuakis kiŋaren epuke ke eema a ŋolo elipere; ido nai potu ŋituŋa daadaŋ diyete nen, towua alokiŋaren Ekapolon.

Agai 1:12

Abu nai Serubabel lokoku a Sealtiel ka Yosua esacaradoti ŋolo Apolon nooi, lokoku a Yeosadak kaapei ka ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocamut ŋakiro ŋuna erworo Ekapolon Akuj kec ka ŋuna erworo ekadwaran Agai; ikwapei arisyo Ekapolon Akuj kec kiyaku iŋes. Tokuryaketa ŋituŋa aŋuna ke Ekapolon.

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 31:13

ikotere ŋidwe kus ŋulu sek nyeyenete ŋikisila, epedorete akiirar ka ayenun akitopoloorit Ekapolon Akuj kus ŋirwa daadaŋ ŋulu iboiyoto iyes anakwap a ŋina idokarete iyes alokekwaye Yorodan akituruwor ŋina kus.”

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Yos. 8:33

Apotu Ŋisirael daadaŋ, ŋikasikou, ŋikapolok, ŋikatubok ŋakiro ka ŋituŋa ŋulugelae ŋulu arukitotor ikes, towua daadaŋ iteosi, toyai Asaduku ŋina ka Acamunet ke Ekapolon kidiŋ kec, kiŋoliyarito lowae ŋolo aya ŋisacaradotin ŋulu ke ekabila a Lepi ŋulu adakito Asaduku ŋina ka Acamunet ke Ekapolon. Towo epeiwae a ŋituŋa emulenito emoru Gerisim, towo epeiwae emulenito emoru Ebal. Ecikit koloŋ Moses ŋolo arae eketiyan a Ekapolon ikes akitiya ŋun edoli apaki ŋina iterereŋere ikes.

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.