Ŋikis. 30:8 - Ebaibul

⁸ Iwuapete nai nabo iyes ŋakiro ŋuna ke Ekapolon, iricito ŋakiciketa keŋ daadaŋ ŋuna ekecik ayoŋ iyes nakoloŋit na,

Ŋikis. 30:8 Iomraidhean Croise

Ŋakit. 16:1

Erae ayere ŋakiro alotau atametait ŋina a ituŋanan, nai Ekapolon iŋes eboŋokini ŋakiro ŋuna irworo ituŋanan.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 36:3

Acepaki ani kiirasi ŋituŋa a Yudaya ŋakiro ŋuna a ŋican a ŋulu a acamit ayoŋ ainakin ikes, epedorete ikes akimyekin ŋipitesyo kec ŋulu aronok, ikotere ayoŋ esyoni ikes aŋuna ka aronis kec ka aŋuna ka asecit kec.”

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Ŋiep. 2:16

Abu Kristo anatwanare keŋ alomusalaba tolema akimananu a ŋikabilae a ŋuluarei a ŋul ka kituruwo ikes ŋipei anakuwan keŋ a ŋina erae Ŋikristo; ido abu kinyaku ikes neni ka Akuj.

Ŋikis. 30:2

ido toboŋut neni ke Ekapolon Akuj kus, tosodo iyes kaapei ka ŋidwe kus kiwuapa ŋakiro ŋuna ka Akuj a ŋitai kus a daadaŋ ka a akiyar kus a daadaŋ, lopite ŋolo ekecikia ayoŋ iyes nakoloŋit na,

Ŋikis. 30:7

Iwuaakini Ekapolon Akuj kus ŋilam ŋul daadaŋ neni a ŋimoe kus ka neni a ŋulu ikitidiŋito ka ikisicanete iyes.

Ŋikis. 30:9

ido iyatakini Ekapolon ŋarereŋisyo kus nooi alotooma ŋiticisyo daadaŋ ŋulu itiyaete iyes, iterereŋi ŋidwe kus, ŋitak ka ŋikaalei a ŋibaren kus ka ŋikinyom ta ŋaraito kus, anerae ejoikini nabo Ekapolon akiterereŋ iyes lopite ŋolo eterereŋitor atapapaa kus.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.