Ŋikis. 30:7 - Ebaibul

⁷ Iwuaakini Ekapolon Akuj kus ŋilam ŋul daadaŋ neni a ŋimoe kus ka neni a ŋulu ikitidiŋito ka ikisicanete iyes.

Ŋikis. 30:7 Iomraidhean Croise

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Yer. 25:29

Kiirasi, ageu ayoŋ ayaun ŋican lotaun lo ŋolo enyaritae a ekiro kaŋ, ido ikokinete iyes ipuunosi anakisicanio ai? Nyibucarosi iyes pa ikisicanitae, anerae anyarau ayoŋ ŋituŋa akitijiore ŋituŋa ka akwap a daadaŋ.’

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Esek. 25:12

“Alimu Ekapolon Akuj atemar, aŋuna aponiata ŋituŋa a Edom kitiyata anyaŋan lotuŋa a Yudaya, ido iilit ikes aŋuna ka asecit a ŋin,

Esek. 25:15

“Alimu Ekapolon Akuj atemar, aŋuna aponiata Ŋipilistin tomasikis itiyaete anyaŋan eryenyanikinito ŋimoe kec aloman aŋuluŋorok ka aŋuna aponiata kiwara amunyar ikes,

Esek. 25:3

Tolimok Ŋiamoni atemar, kiirasi ŋakiro a Ekapolon Akuj, alimu Ekapolon Akuj atemar, aŋuna iponiata iyes itemasi, ‘Coe’ nakibois kaŋ ŋina asegan apaki ŋina iponiata iyes tojamuwasi, aŋuna iponiata iyes tolelyana apaki ŋina etisilunere akwap a Isirael ka aŋuna iponiata iyes kitiyata ŋun lotuŋa a Yudaya apaki ŋina aayere erae ŋirikon;

Esek. 25:6

Irworo Ekapolon Akuj ŋakiro nu, atemar, aŋuna iponiata iyes kibapibapata ŋakan kus ka toramanakis ŋakejen kus kwap ilelyanete aŋuna a ŋinyas a daadaŋ a ŋulu eya lotai kus a ŋulu imanitotor akwap a Isirael,

Esek. 25:8

“Alimu Ekapolon Akuj atemar, aŋuna aponiata ŋituŋa a Moab tolimut ebe, ‘Kiŋolikisi, ekwaanikin ŋituŋa a Yudaya ka ŋulu a ŋakwapin a ŋunace,’

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 1:6

Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 1:9

Alimu Ekapolon ŋakiro nu ebe, “Aŋuna arubakiniata ŋituŋa a Tiro itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom, ido nyiricakina ikes acamunet ŋina emaikina eyai kidiŋ kec ikwapei ŋiyeneta.

Obad. 1:10

“Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Ekim. 24:14

Aŋun tokona, aboŋori ayoŋ lotuŋa kaŋ, kimyek okolimok iyoŋ ŋuna moi epote ŋituŋa lu akitiya neni a ŋituŋa kon alorwa a ŋulu eponito.”

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

Ŋikis. 30:8

Iwuapete nai nabo iyes ŋakiro ŋuna ke Ekapolon, iricito ŋakiciketa keŋ daadaŋ ŋuna ekecik ayoŋ iyes nakoloŋit na,

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.