Ŋikis. 30:3 - Ebaibul

³ ebuni nai Ekapolon akinyakakin iyes ŋarereŋisyo kus ka ikisyon iyes, ikicunu nabo iyes anakwapin a ŋuna aris iŋes kikiela iyes.

Ŋikis. 30:3 Iomraidhean Croise

Akisy. 28:15

Toyenu nu ebe ikiruki ayoŋ ka iyoŋ, ekeyokit ayoŋ iyoŋ aneni daadaŋ ilosi iyoŋ, ido ekenyakuni iyoŋ nakwap na, anerae nyakaesikini ayoŋ iyoŋ mati ketiyak ŋuna adau akiikin iyoŋ.”

Akisy. 48:21

Tema nai Isirael neni a Yosepu, “Aapuu ayoŋ atwanare, nai eyakaun Akuj kaapei ka iyoŋ, ikiyai iŋes iyoŋ nabo nakwap atapapaa kon.

1 Ŋakiro a ŋirwa 16:35

Tolimosi daŋ ebe, “Toiunae isua, okoe Akuj akaiunan kosi, tocunakinae ka toiunae isua alotuŋa a ŋakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Yob 42:10

Kedau Ekapolon akiirar akilip a Yob aŋuna a ŋikonei keŋ, abu kinyakak Yob ŋiboro ŋulu sek ayakar, kiyatak a ŋolo kimar etiyae ŋolo sek a ekiŋaren.

Ŋikiru. 107:3

emaikina tolimosi ŋulu acunu Ekapolon anakwapin ŋakiro ŋun, ŋulu acunun alo Kide, alo To, alo Kuju ka alo Kwap.

Ŋikiru. 147:2

Edukokini nabo Ekapolon Yerusalem; ecununi Ŋisirael ŋulu arikor nakwapin.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Isa. 54:7

Alimu Ekapolon Ekalakunan kus ŋakiro nu, Abu ayoŋ okeŋer iyoŋ alotooma apaki ŋina euruwuana, nai anakisyon a ŋina apolon nooi, akacununi ayoŋ iyoŋ.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Sakar 10:9

Tari daŋ kealarit ayoŋ ikes nakwapin, keyakasi daŋ tari nakwapin ŋuna alwanak, akatamunete ikes ayoŋ. Nyemunyar ikes ka ŋidwe kec, ido eboŋunete ka ŋidwe kec nakwap kec.

Ŋirom. 11:23

Ŋiyudayan daŋ, ani keŋero ikes ŋakiro ŋuna nyenupitotor, iderakinio ikes nenipei paaran ayakasi; anerae epedori Akuj akiderakin ikes nabo.

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋirom. 11:31

Ikwaŋinapei, eŋerito tokona Ŋiyudayan Akuj; nai aŋuna ka akisyon a ŋina iryamut iyes, eryamunete ikes daŋ akisyon ŋina ka Akuj.

Ŋikis. 13:17

Nyiridasi a ŋakan kus idiobore ŋini emaikina tomunaarae, ikotere ejoŋoe Ekapolon aŋoikinit iyes, ikisyon iyes, ido anakisyon keŋ, ikitiput iyes lopite ŋolo ekoŋitor neni atapapaa kus.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.