Ŋikis. 30:2 - Ebaibul

² ido toboŋut neni ke Ekapolon Akuj kus, tosodo iyes kaapei ka ŋidwe kus kiwuapa ŋakiro ŋuna ka Akuj a ŋitai kus a daadaŋ ka a akiyar kus a daadaŋ, lopite ŋolo ekecikia ayoŋ iyes nakoloŋit na,

Ŋikis. 30:2 Iomraidhean Croise

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

1 Ŋakiro a ŋirwa 29:9

Apotu ŋituŋa tolelyana aŋuna aponiata ŋikarikok inakis alotooma acamit kec, apotu ikes inakis neni ke Ekapolon einakina a ŋitai kec a daadaŋ. Abu erwosit Daudi daŋ tolelyan nooi.

2 Ŋakiro a ŋirwa 30:9

Ani kiboŋut iyes neni ke Ekapolon, epedorete nai ŋulu erikorito ŋikaitotoi ka ŋidwe kus akisyon ikes kitoboŋut nakwap na, anerae ejok ka isyoniono Ekapolon Akuj kus, nyikimyekini iŋes iyes erae kiboŋut iyes neni keŋ”

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋikiru. 41:12

Ikiŋarakinit iyoŋ ayoŋ aŋuna ka akiyookino kaŋ, ikiwuakinit iyoŋ ayoŋ ŋikaru ŋikaru neni ilipyata ŋituŋa.

Yer. 29:13

Ani kikiwara iyes ayoŋ, ikiryamunete iyes ayoŋ, ani kikiwara iyes ayoŋ a ŋitai kus a daadaŋ,

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 36:3

Acepaki ani kiirasi ŋituŋa a Yudaya ŋakiro ŋuna a ŋican a ŋulu a acamit ayoŋ ainakin ikes, epedorete ikes akimyekin ŋipitesyo kec ŋulu aronok, ikotere ayoŋ esyoni ikes aŋuna ka aronis kec ka aŋuna ka asecit kec.”

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Aum. 3:40

Emaikina iwon eŋolikisi make ŋipitesyo yok, ido oboŋosi akiwuap ŋuna ke Ekapolon.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ŋilep. 26:40

“‘Nai ani kelimosi ikes ŋasecisya kec ka ŋuna atapapaa kec, ŋuna aponiata ikes eketepegeta ayoŋ ka okoŋero ayoŋ,

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

2 Ŋikor. 3:16

Nai, ani ibelekin ituŋanan neni ke Ekapolon, elemaryo akitambara ŋin anatameta keŋ.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.