Ŋikis. 30:18 - Ebaibul

¹⁸ akalimokini ayoŋ iyes nakoloŋit na atemar imunyarosi iyes, nyiyarete iyes apaki ŋina aoyan anakwap a ŋina idokarete iyes alokekwaye Yorodan alomar kituruwosi ŋina kus.

Ŋikis. 30:18 Iomraidhean Croise

Ekim. 32:15

Ani kiŋero iyes akiwuap ŋuna ke Ekapolon, imyekini nabo iŋes Ŋisirael analoŋisat ka emunyari ŋituŋa lu daadaŋ.”

Ŋikis. 30:17

Nai kiŋero iyes akiwuap ŋakiro ka Akuj, towout akiirar, ido tocamut akitooliyoro, kilipa neni a ŋakujo ka kitiyanakis ikes,

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Ŋikis. 4:25

Ani iyakaunotor iyes ŋidwe ka ŋidwe a ŋidwe kus ka kidaut akiboi anakwap a ŋin ekaoyan, ido kitiyata aronis toyeut ŋitorubei a ŋakujo a ŋadi, ido kitiyata ŋuna aronok alokiŋaren Ekapolon Akuj kus, tosodi kitoŋoa iŋes,

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.