Ŋikis. 30:10 - Ebaibul

¹⁰ Itiyakin ŋun erae kiwuapa iyes ŋakiro ŋuna ke Ekapolon Akuj kus, anakiricit ŋakiciketa keŋ ka ŋikisila ŋulu igiritae lokitaabo lo ŋolo a ŋikisila, anerae iboŋut iyes neni ke Ekapolon Akuj kus a ŋitai kus a daadaŋ ka a akiyar kus a daadaŋ.”

Ŋikis. 30:10 Iomraidhean Croise

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Esek. 18:21

“Nai ani keesiki ituŋanan ŋini aronon akitiya aronis keŋ daadaŋ ŋina sek etiyat, ido kiwuap ŋuna alimokinit ayoŋ iŋes akiwuap ka ŋuna ecamakinito ŋikisila ka ŋuna iyookino, kire jik, eyari ituŋanan ŋin, nyetwani.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 33:14

Nabo, tari kalimokinit ayoŋ ŋulu aronok atemar etwakete kire jik ikes, ani ca keŋero ikes asecit kec, kitiyata ŋuna ecamakinitae ka ŋuna iyookino,

Esek. 33:19

Ani keŋero ŋikaronok aronis kec, kitiya ŋuna ecamitae ka ŋuna iyookino, iteyaryo ikes aŋuna ka akiŋer aronis.

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

1 Ŋikor. 7:19

Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol.

Ŋikis. 29:21

Esetari Ekapolon ikes alokabilae a Ŋisirael a daadaŋ toruworos ŋulu isicanio, lopite ŋolo elimunitere alolam a daadaŋ a ŋulu ka acamunet a ŋulu igiritae lokitaabo ŋolo a ŋikisila.

Ŋikis. 30:11

“Kire jik, ŋakiciketa ŋun ŋuna adau ayoŋ ekecik iyes nakoloŋit na, nyegogoŋ aneni kus ka daŋ nyikikuruwori iyes akiwuap.

Ŋikis. 30:2

ido toboŋut neni ke Ekapolon Akuj kus, tosodo iyes kaapei ka ŋidwe kus kiwuapa ŋakiro ŋuna ka Akuj a ŋitai kus a daadaŋ ka a akiyar kus a daadaŋ, lopite ŋolo ekecikia ayoŋ iyes nakoloŋit na,

Ŋikis. 30:8

Iwuapete nai nabo iyes ŋakiro ŋuna ke Ekapolon, iricito ŋakiciketa keŋ daadaŋ ŋuna ekecik ayoŋ iyes nakoloŋit na,

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.