Ŋikis. 3:18 - Ebaibul

¹⁸ Apaki ŋin, abu ayoŋ ekecik iyes otema, “Tari daŋ kikiinit iyes Ekapolon Akuj kus akwap ŋin toruwor ŋina kus, emaikina ŋasigarya kus totuboros ekekwaye Yorodan etiŋito ŋiboro ŋulu ke ejie, kiŋarenikis ŋiyeneta kus Ŋisirael ŋuluce.

Ŋikis. 3:18 Iomraidhean Croise

Akisy. 15:7

Tolimok Ekapolon Aburam tema, “Arae ayoŋ Ekapolon ŋolo abu okoyau iyoŋ alo Ur anakwap a ŋina a Ŋibabiloniyae; aŋuna ka ainakin iyoŋ akwap na toruwor ŋina kon.”

Ŋikiru. 136:21

Abu iŋes inak ŋakwapin a ŋirwosi a ŋul toruwor ŋuna a ŋituŋa a ŋice, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ekim. 33:53

Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

Ŋikis. 12:1

Erae nu ŋakiro ŋuna etubunitoe ka ŋikisila ŋulu emaikina iyes kiwuapa ejok anakwap a ŋina ikiinak iyes Ekapolon kus, Akuj atapapaa kus akiboiyo ŋirwa daadaŋ ŋulu ka akiyar kus anakwap.

Ŋikis. 15:4

Kikote neni daŋ nyemaikina eyai kidiŋ kus ituŋanan ŋini ekulyakana, anerae kire jik ebuni Ekapolon Akuj kus akiterereŋ iyes anakwap a ŋina ikiinakini iŋes iyes aruwor ŋina kus kiboiyoto.

Ŋikis. 19:14

Nyemaikina iyes kisiyotosi ekukoru a ŋikidunyet kus, ŋolo kiwuakinio ananyameta a ŋuna ŋorok, anakibois a ŋina ikikorakinio iyes anakwap a ŋina ebuni Ekapolon Akuj kus ainakin iyes toruwor ŋina kus.

Ŋikis. 19:2

emaikina iyes totyakasi ŋitaunio ŋiuni anakwap a ŋina ikiini Ekapolon Akuj kus iyes aruwor ŋina kus.

Ŋikis. 19:7

Aŋun, ekeciki ayoŋ iyes nu: Totyakasi ŋitaunio ŋiuni.

Ŋikis. 21:1

Anakwap a ŋina ikiini iyes Ekapolon Akuj kus aruwor ŋina kus, ani keryamun ituŋanan etwanikinit nariet nai nyeyenio ituŋanan ŋini keari,

Ŋikis. 25:19

Aŋun, ani kedau Ekapolon Akuj kus akisieŋun iyes alomoe kus a daadaŋ ka alowaetin kus a daadaŋ, anakwap a ŋina ebuni Ekapolon Akuj kus ainakin iyes aruwor ŋina kus, tomunyasi ŋituŋa daadaŋ ŋulu ka Amelek anakwap, nyetamun ikes nabo jik; nyikimuryak akitiya ŋun.

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋikis. 9:6

Toyenutu nai kire atemar nyikiinakinit Ekapolon Akuj kus iyes akwap ŋina ajokan aŋuna ka akiyookino kus kiboiyoto iyes, anerae irae iyes ŋituŋa ŋulu egogoŋ ŋakyes.

Yos. 1:11

“Kirimokisi alomar, tolimokisi ŋituŋa ŋakiro nu, ‘Kitemonokisi akimuj, anerae kelunyarosi ŋirwa ŋiuni ilosete iyes akidok aŋolol Yorodan, ido kikamasi akwap ŋina ikiinit iyes Ekapolon Akuj kus.’ ”