Ŋikis. 3:14 - Ebaibul

¹⁴ Abu Yair lopapait a Manase toryamu akwap ŋina ka Arigob daadaŋ tari lokukorin a Ŋigesuri ka Ŋimaakasi, tonyara Yair akwap ŋin a ekiro keŋ, aŋun, tari tokona enyaritae Basan Apos-Yair.)

Ŋikis. 3:14 Iomraidhean Croise

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 13:37

Nai aris Abusalom keem neni a Talimai a erwosit a ŋolo a Gesur a ŋolo arae lokoku ka Amiud. Kigwor Daudi a ŋinakoloŋit aŋuna alokoku keŋ.

2 Sam. 14:23

Aŋun, abu Yoab torotok, tolot Gesur, ido abu yau Abusalom Yerusalem.

2 Sam. 20:26

ido arae Ira ŋolo arae Ejairait esacaradoti ŋolo a Daudi.

2 Sam. 23:34

Elipelet lokoku a Aasibai a ŋolo alo Maaka; Eliam lokoku a Aisopel a ŋolo a Gilon;

2 Sam. 3:3

ŋolo a ŋiarei arae Kileab lokoku ka Abigail a ŋina alo Karimel, apuserut a Nabal; ŋolo a ŋiuni arae Abusalom lokoku ka Maaka a ŋina arae nakoku a Talimai a erwosit a ŋolo a Gesur;

Ŋikiru. 49:11

Erae ŋalyalin kec neni iboiyoto ikes ŋikaru ka ŋikaru, erae neni iboiyoto ikes ŋanyameta daadaŋ, tari daŋ keyakatar sek ikes arwonu anakwap.

Yer. 40:8

apotu ŋikarikok a ŋajoresyo ŋul toloto neni a Gedalia a ŋolo ayai Misipa. Ŋikarikok ŋul ikes Isimael lokoku a Nesania, Yoanan lokoku a Karea, Seraia lokoku a Tanumes, ŋidwe a Eipai a ŋolo arae Enetopasit ŋulusapa, Yaasania lokoku a Emaakesait, apotu ikes toloto kaapei ka ŋajorei kec.

Ekim. 32:41

Abu Yair lokoku a Manase tolot kikama ŋirerya a Gilead, tolimok ikes ekiro lo, Apos-Yair.

Ŋikis. 3:13

Tosodi abu oinak atutubet apei ŋina a ekabila a Manase akwap a Gilead nenice daadaŋ ka Basan daadaŋ, akwap ŋina sek epukat Og. (Akwap ŋina ka Arigob daadaŋ anakwap a Basan arae koloŋ sek akwap a Ŋirepaim.

Ŋikis. 3:4

Apaki ŋin aponi iwon kikamarae ŋitaunio keŋ daadaŋ a mam aduketait ŋinakirereet ŋina aponi iwon nyikamar aneni kec. Aponi iwon kikamarae ŋitaunio ŋatomonikanikapei, akwap daadaŋ ŋina ka Arigob ka akwap ŋina epukat Og alo Basan daadaŋ.

Yos. 12:5

Epukat iŋes ŋinapei alomoru Erimon ka Salek, Bacan daadaŋ tari lokukoru a ŋituŋa a ŋulu enyaritae Ŋigesuri ka Ŋimaakasi kaapei ka atutubet apei ŋina a Gilead, akitodol lokukoru a Sikon a erwosit a Ecibon.

Yos. 13:13

Nai apotu Ŋisirael nyielasi Ŋigesuri ka Ŋimaakasi, ŋakiro ŋun iŋes arubakiniata Ŋigesuri ka Ŋimaakasi iboiyete ka Ŋisirael tari tokona.