Ŋikis. 3:12 - Ebaibul

¹² Ani eruwor akwap ŋina aponi iwon kikamarae apaki ŋin, abu ayoŋ oinak ŋituŋa a ekabila a Ruben ka ŋulu a ekabila a Gad akwap ŋina alo Kuju Areor, iŋes akwap ŋina alodiyete ayonae Arinon, abu daŋ oinak ikes atutubet apei a akwap a ŋina a ŋikamukumukui a ŋina a Gilead kaapei ka ŋitaunio a akwap a ŋin.

Ŋikis. 3:12 Iomraidhean Croise

2 Ŋirw. 10:33

ameun alo Kide aŋolol Yorodan, tomea Gilead daadaŋ neni alomito ŋituŋa a ateker a Gad, a ateker a Reuben ka ŋulu a ateker a Manase. Iŋes atemar ameun ŋinapei alo Kwap etaun ŋolo enyaritae Areor ŋolo ayai lokipetot ka ayonae a ŋina anyaritae Arinon iŋes Gilead ka Basan.

Ekim. 32:40

Aŋun, abu Moses inak Gilead neni a Makir a lokoku a Manase, ido abu Makir tolom nen.

Ŋikis. 2:36

Ameun alo Aroer alokipetot a ayonae Arinon (Kaapei ka etaun ŋolo ayai tooma nayonae) akitodol Gilead, amam akai ŋina kirereet ŋina aoya aŋuna yok. Abu Ekapolon Akuj yok ikiinak iwon ŋinibore daadaŋ.

Ŋikis. 29:7

Apaki ŋina adolunere iwon nakibois na, apotu erwosit Sikon ŋolo a Esibon ka erwosit Og ŋolo a Basan ikitijikis iwon, nai aponi iwon kilounae ikes.

Ŋikis. 29:8

Aponi iwon kikamarae akwap kec, ido okorakisi ŋituŋa a ekabila a Ruben ka ŋituŋa a ekabila a Gad ta atutubet apei a ŋituŋa a ekabila a Manase toruwor ŋina kec.

Ŋikis. 3:13

Tosodi abu oinak atutubet apei ŋina a ekabila a Manase akwap a Gilead nenice daadaŋ ka Basan daadaŋ, akwap ŋina sek epukat Og. (Akwap ŋina ka Arigob daadaŋ anakwap a Basan arae koloŋ sek akwap a Ŋirepaim.

Ŋikis. 4:48

Apotu Ŋisirael kikamasi akwap ŋin daadaŋ ameun alo Areor alotaun a ŋolo eyai diyete ayonae Arinon tari lomoru Sirion (iŋes Erimon)