Ŋikis. 29:23 - Ebaibul

²³ Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Ŋikis. 29:23 Iomraidhean Croise

Akisy. 14:2

apotu ŋirwosi ŋuluomwon ŋul kiiryakin ka ŋirwosi lu ŋikan: Bera erwosit ŋolo a Sodoma, Birisa erwosit ŋolo a Gomora, Sinab erwosit ŋolo ka Adama ka Semebar erwosit ŋolo a Seboim ta erwosit ŋolo a Bela (iŋes Soar).

1 Ŋirw. 9:8

Eruwor Akai na ŋina tokona iteete iyes eoya na ereŋorot ŋolo etukosi ŋakielet keŋ; ituŋanan daadaŋ ŋini itori nen, eumokini topodok tema, ‘Kaanukiro etiyaa Ekapolon ŋakiro nu nakwap na ka Kai na?’

1 Ŋirw. 9:9

Eboŋokinete nai ŋituŋa temasi, ‘Erae aŋuna aŋeryoto ikes Ekapolon Akuj kec ŋina ayauni atapapaa kec anakwap a Ijipit, ido acamut ikes ŋakujo ŋace, ilipete ikes neni a ŋakujo ŋun ka kitiyanakinete; iŋes nai ayaunia Ekapolon akinyasuno na neni kec.’ ”

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

Yob 18:15

Emam ibore idoŋit nakais kec; ecunyakin neni sek iboiyoto ikes a ibore a ŋini erirae nooi a ŋini enyaritae Sulupa.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 13:19

Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Isa. 34:9

Ituruworyo ŋayona a Edom ŋuna ileleba ibore ŋini ikwaan ka ŋatotol, ituruworyo ŋalup a Edom ŋuna eriraete ikwa ibore ŋini enyaritae Sulupa; eriraunete ŋalup a Edom ikwa ŋatotol ŋuna enokete. Enoki akim a nen nakwaare ka naparan, nyepedoryo akituduŋere, eremi apuru keŋ kidiama ŋikaru ka ŋikaru.

Isa. 64:11

Akai kosi ŋina asegan ka ebusan neni koloŋ ikipurotor iyoŋ atapapaa kosi, ecunyar a akim ka aruworosi ŋakiboisyo kosi ŋuna ajokak daadaŋ ŋireŋoroto.

Yer. 17:6

Ikwaanikinosi ikes ka ikitoe ŋini erupunit analoŋisat, nyeanyunete ikes apaki ŋina ebunio akiŋarakino kec. Epote ikes akiboi anakiboisyo a ŋuna aonok analoŋisat, epote ikes akiboi anakwap a ŋina emam ituŋanan eyai, a ŋina esasam.

Yer. 20:16

Elipi kikwaanikin ekile ŋol ka ŋitaunio ŋulu abu Ekapolon kinyas emam akisyon, elipi kiira iŋes akigworo iwalari akwap ka eli kidiŋ apaaran,

Yer. 49:18

Lopite ŋolo amunaarere Sodoma ka Gomora kaapei ka ŋikidunyet kec, emamukaun ituŋanan iboi alo Edom, mam tari ŋini eduki ere keŋ nen.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Esek. 47:11

Nai ŋakipi ŋuna eyakasi lojiomya ŋulu eyakasi diyete anam ŋin ka nataparin ŋuna eyakasi diyete anam ŋin, imyekinio ŋakipi kec erae acumbi.

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Luk. 17:29

Nai akoloŋit ŋina arotokinio Lot alo Sodoma, totiyaun akim ka Sulpa alokidiama ikwa akiru, tomunya ŋituŋa ŋuluce daadaŋ.

Ŋirom. 9:29

Ikwaan ŋakiro ŋun ka ŋuna aris Isaya kedwar ebala, “Ani kerae nyikiesikinitor Ekapolon ŋolo etiron iwon ŋiletok ŋice, ketinen iwon kikikok Sodoma ka Gomora, ŋulu aponi kinyasunae.”

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Ŋikat. 9:45

Kitiji Abimelek ŋituŋa ŋulu aya lotaun, ya ejie apaaran daadaŋ, ekaku kikama iŋes etaun, toar ŋituŋa daadaŋ ŋulu aya tooma etaun, kiryenya ŋaduketa a etaun daadaŋ tari ŋina alapatunia; tosodi tobukok acumbi nen.