Ŋikis. 29:20 - Ebaibul

²⁰ nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 29:20 Iomraidhean Croise

Akisy. 6:7

Tema Ekapolon, “Etoŋopiyari ayoŋ anakwap ŋituŋa ŋulu abu osub, akisyakin aneni a ituŋanan tari lotyaŋ ka aneni a ŋinibore elyat tari lokyeny; anerae eketililyata ayoŋ ŋakiro ŋuna koloŋ abunio osubunia ikes.”

2 Ŋirw. 14:27

Nai pa alimunit Ekapolon atemar amunyari Ŋisirael anakwap; aŋun, abu iŋes toiu ikes kisitiya Yeroboam ŋolo a ŋiarei, lokoku a Yeoas.

Ŋikiru. 18:8

Abu apuru tolomu alokumes keŋ ka abu akim ŋina anyamuwaran tolomu anakituk keŋ, toneput ŋatotol anakituk keŋ.

Ŋikiru. 69:28

Kikisa ikes alokitaabo a ŋolo ka akiyar, nyemaikina ikes igiritae kaapei ka ŋulu iyookino.

Ŋikiru. 74:1

Okoe Akuj, kaanukiro ikiŋeryo iyoŋ isua ŋikaru ka ŋikaru? Ipedori mono iyoŋ aŋoikin ŋituŋa kon a alope ŋikaru ka ŋikaru a?

Ŋikiru. 78:50

Abu Akuj kitemok epite ŋolo itoŋoya ikes, abu nyimyek ikes, nai abu tomunya ikes a ŋidekesyo.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Ŋikiru. 80:4

Okoe Ekapolon Akuj ŋina a ŋajoresyo, apaki ŋina etya ai irubakinia iyoŋ iŋoit iwounit aboŋokin ŋakilipeta a ŋituŋa kon?

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 34:14

(anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Ŋakit. 2:22

Nai elemaryo anakwap ŋulu aronok, itoŋopiyaryo anakwap ŋulu nyeyakatar anupit neni ka Akuj.

Ŋakit. 6:34

Aŋuna sek ilelebar alilit ka aŋoit lokile a aberu a ŋina abu tolom, nyisyoni iŋes ekaloman ŋol apaki ŋina inyaŋarya ŋuna abu ekaloman kitiya.

Eete a Ŋie. 8:6

kiwuak lotau kon amina ayoŋ bon, nyitiŋ akan a apese a ace mati ŋina kaŋ bon; anerae egogoŋ amina ikwaan ka atwanare, ededeŋ ekibure ikwaan ka akipany, erirae amina ikoni arira ŋina ka akim, mam ibore imyekini lopite ŋolo nyimyekinia akim ibore.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Esek. 23:25

Ewuakini ayoŋ neni kon alilit ŋina ekemanitor iyoŋ, ikotere ikes ikisicanete iyoŋ ka aryenyeo. Etubutubuyete ikes ŋikumes ka ŋaki kon, earyo ŋituŋa kon ŋulu ebucanarosi. Ikamarete ŋimoe ŋul ŋidwe kon ŋulusapa ka ŋulupesur ka icunyaryo ka akim ŋituŋa kon ŋulu ebucanarosi.

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Esek. 36:5

Alimu tokona Ekapolon Akuj ebe, ‘Erworo ayoŋ anaŋoit kaŋ aŋina alilitor nooi emanit ŋakwapin ŋunace ka emanit Edom ŋina apotu ŋituŋa keŋ alotooma aleleyanu ka ajamuwarit kikamasi akwap kaŋ toruwor ŋina kec aŋuna ka aŋatar ŋadakarisinei keŋ.’

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Esek. 8:3

Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Esek. 8:5

Tema nai Akuj neni kaŋ, “Lokoku a ituŋanan kiŋoliu kidiama lowae ŋolo alo Kuju lo.” Aŋun, abu ayoŋ eŋoliya inaa, eŋolik etorube ŋolo etiilit Akuj nooi eyai Kuju epuke ŋolo elomarere namuroet.

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Ŋirom. 11:21

Abu Akuj nyerimak Ŋiyudayan, ŋulu isikwaanitae ka ŋaten ŋuna lopeyek; itamete iyes atemar ikirimakini iŋes iyes a?

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Ŋikis. 25:19

Aŋun, ani kedau Ekapolon Akuj kus akisieŋun iyes alomoe kus a daadaŋ ka alowaetin kus a daadaŋ, anakwap a ŋina ebuni Ekapolon Akuj kus ainakin iyes aruwor ŋina kus, tomunyasi ŋituŋa daadaŋ ŋulu ka Amelek anakwap, nyetamun ikes nabo jik; nyikimuryak akitiya ŋun.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Ŋikis. 9:14

Kimyekinae ayoŋ, ikotere amunyari ikes, etoŋopiya ekiro kec anakwap, ido eketuruwo iyoŋ papa a ŋituŋa a ŋulu agogoŋok ka alalak akilo ikes.”

Ŋibur. 12:29

anerae ikwaan Akuj yok ka akim ŋina ikinyamuwari.

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.