Ŋikis. 29:18 - Ebaibul

¹⁸ Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 29:18 Iomraidhean Croise

Ŋikiru. 10:13

Kaanukiro eŋeritotor ŋulu aronok Akuj? Ido etamete alotai kec ebe, “Nyikinyarae Akuj isua ikisican aŋuna ikitiyat?”

Ŋikiru. 69:21

Apotu ŋituŋa okoinakis ayoŋ ekitoe ŋolo aaran akilo akimuj, ani akanyami ayoŋ akure, apotu okoinakis epiini ŋolo adadaŋan akimat.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Yer. 9:15

Alimu tokona Ekapolon ŋolo a ŋajoresyo Akuj a ŋituŋa a Isirael atemar ainakini ayoŋ ŋituŋa lu ekurut ŋolo a ŋakito kimuja ka ainakini ikes tomata ŋakipi ŋuna eyai ibore ŋini aaran.

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Amos 6:12

Epedorete mono ŋaŋolei akiker alomukura a? Epedori mono ituŋanan akitare nanam a? Nai ilocokis iyes akitub ŋakiro anakiyookino, ituruwosi ibore ŋini aaran, ituruwosi iyes akiyookino ibore ŋini nyejok,

Ŋitic. 8:23

Anerae ete ayoŋ atemar ileleba arakao neni kon ka ikienit iyoŋ asecit.”

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Ŋikis. 32:32

Eyaunitae ŋakito a epiini kec alokito a epiini a ŋulu alo Sodoma, alomanikorin a ŋikito a epiini a ŋulu alo Gomora, erae ŋaraito a epiini kec ŋaraito ŋuna ikiarete inyami, edwarak ŋitunene a ŋaraito kec,

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.