Ŋikis. 29:1 - Ebaibul

¹ Erae nu ŋakiro ŋuna ka acamunet a ŋina abu Ekapolon kicik Moses tocamunos ka Ŋisirael anakwap a Moab kiyatakin nacamunet ŋina abu iŋes tocamunotor ka Ŋisirael alo Oreb.

Ŋikis. 29:1 Iomraidhean Croise

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

Ŋikiru. 105:27

Apotu ŋul kitiyata ŋaumonokineta ka Akuj neni a Ŋijipitian, apotu kitiyata ŋakujuwuanisya anakibois a ŋina ka Am.

Yer. 11:2

“Kiira ŋakiro ŋuna ka acamunet a na, kirwor neni a ŋituŋa a Yudaya ka neni a ŋituŋa a ŋulu iboiyete alo Yerusalem.

Yer. 11:6

Okolimok Ekapolon ayoŋ tema, “Kisera ŋakiro nu alotaunio a Yudaya a daadaŋ ka alorotin a Yerusalem. Kiirasi ŋakiro a acamunet a na ka kiwuapa ikes,

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Yer. 34:18

Ani eruwor ŋulu apotu toŋero acamunet kaŋ ka nyiwuapa ŋakiro ŋuna ka acamunet a ŋina apotu ikes tocamunotor alokiŋaren kaŋ, esikwaanikini ayoŋ ikes ka itaok ŋini etubete ikes alokidiŋ, ido kitoro ikes kidiŋ ŋatutubeta a etaok a ŋin,

Ŋilep. 26:46

Erae ŋun ŋakiro ŋuna atubunit Ekapolon ka ŋikisila ta ŋakiciketa ŋuna kebu Ekapolon kiwuak aŋuna keŋ ka Ŋisirael; tolimok Moses alokidiama emoru Sinai.

Ŋilep. 27:34

Erae ŋun ŋakiciketa ŋuna abu Ekapolon inak neni a Moses alomoru Sinai aŋuna a Ŋisirael.

Ŋitic. 3:25

Erae ŋuna kus ŋakiikineta ŋuna ka Akuj ŋuna ekobunete ŋikadwarak keŋ ka imarakina iyes Nacamunet keŋ ikwaŋina alimokinia iŋes Aburaam ebe, ‘Eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.’

Ŋikis. 1:1

Erae nu ŋakiro ŋuna abu Moses tolimok Ŋisirael alokekwaye Yorodan, analoŋisat ka anadipo a ŋina iteosi ka Sup, anakibois a ŋina eyai kidiŋ Paran ka Topel, Laban, Aseros ka Disaab.

Ŋikis. 28:68

Ikinyakari Ekapolon iyes a ŋameeli Ijipit, tari sek kelimunit iŋes atemar nyiboŋorete nabo iyes inaa. Iitanete iyes a nen agyelaro neni a ŋimoe kus ikwapei ŋipi ka ŋapi, nai mam ituŋanan ikigyeli iyes.”

Ŋikis. 29:12

icunakina iyes ne aŋuna ka akijaun acamunet ke Ekapolon Akuj kus, acamunet ŋina ikoŋitor Akuj aŋuna yok, ŋina icamunotor iyes ke Ekapolon Akuj kus nakoloŋit na;

Ŋikis. 29:2

Abu Moses tonyarau Ŋisirael daadaŋ, tema neni kec, “Ipotu iyes kiŋolikis ŋakiro daadaŋ ŋuna abu Ekapolon kitiya anakwap a Ijipit neni a Parao, neni a ŋikapolok a ŋulu epukatotor iŋes ka nakwap keŋ daadaŋ,

Ŋikis. 29:21

Esetari Ekapolon ikes alokabilae a Ŋisirael a daadaŋ toruworos ŋulu isicanio, lopite ŋolo elimunitere alolam a daadaŋ a ŋulu ka acamunet a ŋulu igiritae lokitaabo ŋolo a ŋikisila.

Ŋikis. 29:25

Iboŋokinete ikes ŋakiŋiseta ŋun temasi, ‘Erae ŋun anerae apotu ikes toŋero acamunet ŋina ke Ekapolon Akuj atapapaa kec, acamunet ŋina abu iŋes tocamunotor ka ikes apaki ŋina ayaunia iŋes ikes anakwap a Ijipit.

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:13

Abu iŋes itolimok iyes acamunet keŋ ka iyes ŋina ikicik iyes akiwuap, acamunet ŋin iŋes ŋakiciketa ŋunatomon, ŋuna abu iŋes kigir namoru ŋunadapal ŋaarei.

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.