Ŋikis. 28:65 - Ebaibul

⁶⁵ Anakwapin a ŋun, nyiyakaunotor iyes alakara, mam akibois eruwor ŋina kus ikiinakini iyes Ekapolon a nen aruwor ŋulu iilit ŋitai, ŋulu a ŋipapan ka iyaloloŋete.

Ŋikis. 28:65 Iomraidhean Croise

Akisy. 8:9

nai toryamu akuri emam neni kicaka alokwap, ido toboŋo nataker, anerae ariŋa ŋakipi erapuwarito akwap daadaŋ. Kirepu Noa akan keŋ alodirisa kikam akuri ya tooma ataker.

Yob 11:20

Nai nyeyenunete ŋulu aronok ŋakiro ŋuna itiyasi neni kec; eŋopikini ikes epite ŋolo eiunotor, ido eruwor akigeno kec atemar kerae ca totwakae.”

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 57:21

Emam nyeryamunete ŋulu itiyaete aronis ekisil. Alimu Akuj ŋakiro ŋun.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Aum. 1:3

Adokis ŋituŋa a Yudaya nakwapin aŋuna a ŋican ka areikinit akitiya etic, iboiyete tokona ikes anakwapin a ŋace, mam akibois ŋina ituruworito ikes ŋina kec. Adaut ŋikewuapak kec daadaŋ arukaun ikes eriŋa epapanito.

Aum. 3:65

Kituruwo ikes ŋulu iyaloloŋete, kimyek ŋilam kon pena neni kec.

Aum. 5:17

Aŋun, eyalaar ŋitai kosi ka amuumu ŋakonyen kosi,

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Ŋilep. 26:36

Nai iyes ŋulu ikirikoryo nakwapin a ŋimoe kus, ewuakini ayoŋ akuryanu lotai kus tokuryaketa anakwapin a ŋimoe kus toruworos ŋulu ibwaŋabwaŋasi tari iirarete eruye ka akuyon a ŋina erwo alokuwuam, iemete iyes esibit ikirisitae akiar, ibusonokinosi ikes esurur tari daŋ kemam emoit ikiwuapit.

Amos 9:4

Tari kerikosi ŋimoe ikes, eciki ayoŋ ŋimoe kec toarae ikes a ekileŋ, adau ayoŋ atubun akitiya neni kec aronis meere ajokis.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Mat. 24:8

Nai erae ŋun daadaŋ ageunet a ŋican, ikwaŋina egeunia aberu aryeba edoli akidoun.

Luk. 21:26

Emaranikinete ŋituŋa kirakanaros ebulit aŋuna a ŋican a ŋulu epote nakwapin daadaŋ; anerae emaranikinete tari ŋiboorei daadaŋ ŋulu alokidiama.

Ŋirom. 11:10

Elipi ayoŋ atemar kitumudukan Akuj ikes, ikotere nyiŋolikis ka tokudos ŋigurae kec jik anakiwokit ŋiboro aŋuna ka apitoonut kec.”

Ŋikis. 28:66

Irubakinete iyes iŋayaŋayato aŋuna ka kiyar kus, ŋulu ikibulit nakwaare ka naparan ka ŋulu nyiyenete ŋuna itiyakin nakiyar kus.