Ŋikis. 28:64 - Ebaibul

⁶⁴ Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 28:64 Iomraidhean Croise

Akisy. 4:14

Ikirita iyoŋ ayoŋ nakoloŋit na analup, ido aŋopiyari ayoŋ aneni kon; aruwor ayoŋ ŋolo adokinit ka ekerimiton anakwap, ido epedori ŋinituŋanan ikiryama ka ayoŋ akiar ayoŋ.”

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 25:21

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

Neem. 1:8

Totamu ŋakiro ŋuna ibu iyoŋ kicik eketiyan kon Moses ibala, ‘Ani pa kiwuapa iyes ŋakiro kaŋ ekeelari ayoŋ iyes nakwapin a ŋituŋa;

Ŋikiru. 44:11

Ibu iyoŋ ikimyek isua ikiŋolyo ikwa ŋamesekin, ido ikiela isua nakwapin.

Isa. 6:12

Itiyakin ŋun akitodol ŋina iritarya Ekapolon ŋituŋa daadaŋ neni alwanan, ido toruwor akwap nenilala ŋina emam ŋituŋa.

Yer. 15:14

Eketuruwori ayoŋ iyes ŋiketiyak a ŋimoe kus anakwap a ŋina nyiyenete iyes, anerae erirae aŋoit kaŋ ikwaan ka akim ŋina erirae ŋikaru ka ŋikaru.”

Yer. 16:13

Aŋun, ekeritari ayoŋ iyes anakwap a na nakwap ŋina sek nyiyenete iyes, kori atapapaa kus, ido kitiyanakis a nen ŋakujo ŋace naparan ka nakwaare, anerae mam akisyon eketoodikini ayoŋ iyes.’ ”

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Aum. 1:3

Adokis ŋituŋa a Yudaya nakwapin aŋuna a ŋican ka areikinit akitiya etic, iboiyete tokona ikes anakwapin a ŋace, mam akibois ŋina ituruworito ikes ŋina kec. Adaut ŋikewuapak kec daadaŋ arukaun ikes eriŋa epapanito.

Esek. 20:23

Abu daŋ ayoŋ ekoŋ neni kec analoŋisat, olimok atemar ekeelari ayoŋ iyes lotuŋa a ŋakwapin ka akakorari ayoŋ iyes nakwapin.

Esek. 36:19

Abu ayoŋ eela ikes nakwapin ŋunace ka aponi ikes tokorarae nakiboisyo, abu ayoŋ esican ikes aŋuna a ŋipitesyo kec ka aŋuna a ŋiticisyo kec.

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋikis. 13:8

nyemaikina iyes tocamut, kori topupokis ŋakiro a ituŋanan a ŋin. Nyisyonioto, kori nyirimakis iŋes.

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 29:26

Apotu ikes toŋero Ekapolon, tosodi kitiyanakis ŋakujo ŋace, kilipa neni kec, arae ŋun ŋakujo ŋuna sek pa ayenete ikes ka awounit Ekapolon ikes akilip neni kec,

Ŋikis. 30:1

“Ani kedaut ŋakiro ŋun daadaŋ akitiyakin neni kus, ŋakiro ŋun ikes ŋarereŋisyo ka ŋilam ŋulu akalimok ayoŋ iyes, ani kitamut iyes ikes anakwapin a daadaŋ a ŋuna ikiritari Ekapolon Akuj kus iyes,

Ŋikis. 32:17

Apotu ikes inanakis ŋamuronisya neni a ŋipyan meere neni ka Akuj, neni a ŋakujo a ŋuna sek pa ayenunito, neni a ŋakujo a ŋunakitet a ŋuna ariŋa eyaunio neni kec, ŋakujo ŋuna pa etopoloorito atapapaa kus.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 4:32

Kiŋitanaros tokona ŋakiro ŋuna a akanuwan eriŋa iyes nyidouno, kiŋitanaros ŋuna akoloŋ sek ŋinapei anakoloŋit a ŋina asubunia Akuj ituŋanan anakwap, kiŋitanaros ameun alokisal a epei a akwap tari ŋoloce, eya mono ŋakiro ŋuna apolok nooi ŋuna ikote nu ŋuna atakanut, kori eya mono ŋakiro ŋuna ikwaan ka nu ŋuna eiraritae a?