Ŋikis. 28:62 - Ebaibul

⁶² Tari sek kilalak iyes nooi ikwa ŋikacer ŋulu alokidiama, idoŋete iyes ikudyoko, anerae nyiwuapa iyes ŋakiro ŋuna ke Ekapolon Akuj kus.

Ŋikis. 28:62 Iomraidhean Croise

2 Ŋirw. 13:7

Aŋun, aponi tomunyarae ŋasigarya a Yeowas, topuunos ŋasigarya ŋuna ameto ŋaŋolei erae ŋatomonikan ka ŋagaari ŋatomon ta ŋulu alosete a ŋakejen ŋalipyo ŋatomon, ŋul bon apotu topuunos, anerae abu erwosit ka Aram toar ikes nooi kilou.

2 Ŋirw. 24:14

Tocuna Nebukadinesar ŋituŋa a Yerusalem daadaŋ, ŋikapolok daadaŋ, ŋikajiok daadaŋ, ŋikayeak ŋiboro ta ŋiketyakak a ŋasuwa, ŋituŋa ŋulu aponi kikamarae a nen arae ŋalipyo ŋatomon, ŋikulyak bon aponi kimyekinae anakwap a ŋin.

Neem. 7:4

Alal etaun nai akudyoko ŋituŋa ŋulu ayakasi tooma keŋ ka ariŋa nyedukokina ŋakais.

Neem. 9:23

Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Ŋilep. 26:22

Emyekini ayoŋ ŋityaŋ ŋulu ka ariet ikinyam iyes, ikidemasi iyes ŋidwe kus, tomunyasi ŋibaren kus, ido kitiditeut ekimar kus kipasakinos ŋirotin kus.

Amos 5:3

“Alimu Ekapolon Akuj ŋakiro nu ebe, ‘Etaun a Isirael ŋolo eŋaari ajore a ŋikilyok a aliput, eboŋunete ŋikilyok amiat make, ka ŋolo eŋaari ajore a ŋikilyok a amiat, eboŋunete ŋitomon bon.’

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Ŋikis. 1:10

Adau Ekapolon Akuj akitipitun iyes, tokona ilalakyata iyes ikwa ŋikacer alokidiama.

Ŋikis. 1:11

Elipi Ekapolon Akuj atapapaa kus kiyatak nabo ekimar kus ŋarwa aliput ka ikiterereŋ iyes ikwaŋina adaunia akiikin iyes.

Ŋikis. 10:22

Apaki ŋina alosyoto atapapaa kus Ijipit, arae ikes daadaŋ ŋituŋa ŋatomonikanikaarei bon, ikituruwo tokona Ekapolon Akuj kus iyes ŋituŋa ŋulu alalak ikwa ŋikacer ŋulu alokidiama.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.