Ŋikis. 28:60 - Ebaibul

⁶⁰ Eyauni iŋes neni kus daŋ ŋidekesyo ŋulu esicanitere ŋituŋa a Ijipit, ŋidekesyo ŋulu apotu ikitubulo iyes ka erubakinete ŋidekesyo ŋul aneni kus.

Ŋikis. 28:60 Iomraidhean Croise

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Ŋikis. 28:27

Ikisicani Ekapolon iyes a ŋilepunoe a ŋulu esicanitere ŋituŋa a Ijipit ka a ŋajemei a ŋuna erae etoku, a ŋiipu, akipiere a ŋawat, mam nyiŋaleunete iyes alodekesyo a ŋul.

Ŋikis. 28:59

Ikisicani Ekapolon iyes ka ŋidwe kus a ŋican a ŋulu apipilak a ŋulu nyedaunosi aneni kus ka a ŋidekesyo a ŋulu nyiŋaleunioto iyes.

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.