Ŋikis. 28:52 - Ebaibul

⁵² Ikirikaunete ikes iyes alotaunio kus a daadaŋ akitodol ŋina eritakiniata kwap anakwap kus a daadaŋ ŋarwatatain ŋuna aoyak ŋuna ewuatere ŋitaunio kus ka ŋaduketa ŋunajiet ŋuna eya nen ŋuna sek ikinyomito iyes. Ikirikaunete ikes iyes anakwap kus a daadaŋ a ŋina ikiinak Ekapolon Akuj kus iyes.

Ŋikis. 28:52 Iomraidhean Croise

2 Ŋirw. 18:13

Alokaru a ŋolo a ŋitomon ka ŋiomwon ipukat Esekia, abu Senakerib erwosit ka Asiriya torem ŋitaunio alo Yudaya daadaŋ ŋulu adukuk ejok, kikama.

2 Ŋirw. 6:29

Aponi nai isua kidorokinoe lokoku kaŋ tonyamae. Ani taparacu keŋ, olimoki ayoŋ aberu na otema, ‘Yau nai lokoku kon onyama.’ Nai, ewua iŋes lokoku keŋ.”

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Yer. 10:17

Okoe ŋituŋa a Yerusalem, tocunakisi ŋiboro kus, iyes ŋulu adaun akirikaun,

Yer. 10:18

anerae irworo Ekapolon ŋakiro nu ebe, “Apaki na, eritari ayoŋ ŋituŋa anakwap, ayauni ŋican neni kec, ikotere enomori ikes.”

Yer. 37:8

Nai eboŋunete Ŋibabiloniyae akitijiore ŋituŋa a etaun a lo, ikimarete ikes etaun kicunyakis a akim.’

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Sakar 12:2

“Esikwaanikini ayoŋ Yerusalem ka ekopo ŋolo eyai epiini ŋolo ikitemerakini, ani kemata ŋituŋa ŋulu idunyatar iŋes epiini keŋ, iteritereonor ikwa ŋikamerak. Ani ikamaryo Yerusalem, ikamaryo ŋitaunio ŋuluce daŋ ŋulu eya Yudaya.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Mat. 22:7

Toŋo erwosit nooi, kiyakiya ŋajorei keŋ, tomunyasi ŋikaarak ŋul ka kicunya etaun kec.

Ŋikis. 28:51

Emunyarete ŋituŋa ŋul ŋitak ka ŋikaalei a ŋibaren kus, ŋikinyom ka ŋaraito kus tari ŋina imunyarotor iyes, nyimyekis aŋuna kus kerae ŋikinyom, epiini, akimyet, kori ŋitak a ŋaatuk kus, kori ŋikaalei a ŋakinei kus tari ŋina ikimunyaryata ikes iyes.