Ŋikis. 28:36 - Ebaibul

³⁶ Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 28:36 Iomraidhean Croise

2 Ŋirw. 25:11

Tosodi Nebusaradan toriko ŋituŋa ŋulu edoŋito lotaun kaapei ka ŋulu aris kecamut akiri ka erwosit a Babilon.

2 Ŋirw. 25:21

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

2 Ŋakiro a ŋirwa 33:11

Aŋun, abu Ekapolon yau ŋikapolok a ŋasigarya a erwosit ka Asiriya akirem ikes ka apotu torikosi Manase, kiwuakis ekodocet lokume keŋ, toena iŋes a ŋiriko a ŋulu etiyaunitae a eburonis, yaasi Babilon.

2 Ŋakiro a ŋirwa 36:1

Apotu nai ŋituŋa a Yudaya yaut Yeoas lokoku a Yosia kituruwosi erwosit, kilunyokin lokicoloŋ a papa keŋ alo Yerusalem.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

2 Ŋakiro a ŋirwa 36:20

Toriko Nebukadinesar Babilon ŋituŋa daadaŋ ŋulu keponi nyeari, ido apotu ŋul toruwor ŋiketiyak keŋ ka ŋulu a ŋidwe keŋ a ŋulusapa akitodol ŋina esyakinere apukan ŋina a Perisia.

2 Ŋakiro a ŋirwa 36:6

Abu Nebukadinesar erwosit a Babilon bu kikama akwap a Yudaya, toroc Yeoiakim ŋakejen a ŋiriko a ŋulu etiyatae a eburonis, ikotere ya iŋes Babilon.

Isa. 39:7

tari ŋiletok kon ŋice ŋulusapa erikoryo kitokolupanae, toruworos ŋiketiyak alokai a erwosit a Babilon.’ ”

Yer. 15:14

Eketuruwori ayoŋ iyes ŋiketiyak a ŋimoe kus anakwap a ŋina nyiyenete iyes, anerae erirae aŋoit kaŋ ikwaan ka akim ŋina erirae ŋikaru ka ŋikaru.”

Yer. 16:13

Aŋun, ekeritari ayoŋ iyes anakwap a na nakwap ŋina sek nyiyenete iyes, kori atapapaa kus, ido kitiyanakis a nen ŋakujo ŋace naparan ka nakwaare, anerae mam akisyon eketoodikini ayoŋ iyes.’ ”

Yer. 39:1

Alokaru a ŋolo a ŋitomon elap ŋolo a ŋitomon ipukat erwosit Sedekia ŋolo a Yudaya, abu erwosit Nebukadinesar ŋolo a Babilon kaapei ka ŋasigarya keŋ daadaŋ potu Yerusalem kirikaut.

Yer. 9:15

Alimu tokona Ekapolon ŋolo a ŋajoresyo Akuj a ŋituŋa a Isirael atemar ainakini ayoŋ ŋituŋa lu ekurut ŋolo a ŋakito kimuja ka ainakini ikes tomata ŋakipi ŋuna eyai ibore ŋini aaran.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 11:9

Ekeritari ayoŋ iyes alotaun a lo, ekepotok neni a ŋituŋa a ŋulu erae ŋigelaanotin, ido ekesican iyes.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 29:17

Iŋolikis iyes ŋiboro kec lu ŋulu eŋeritoe: Ŋitorubei a ŋakujo ŋulu etiyaunitae a ŋamoru ka ŋakito, a esilipa ka egolid, ŋitorubei ŋulu aya nakwap kec.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.

Ŋikis. 4:28

Aina ipote iyes akitiyanakin ŋakujo ŋace ŋuna erae ŋituŋa itiyaunito, ŋiboorei ŋulu ecieunitae anakito ka anamoru, ŋulu nyiteete, nyepupete, nyimujete ka nyiŋuunete.

1 Sam. 12:25

Nai ani kirubakis iyes itiyaete aronis, ikimunyaryo iyes kaapei ka erwosit kus.”