Ŋikis. 28:29 - Ebaibul

²⁹ imudumudosi iyes naparan lopite ŋolo imudumudotor ŋimudukanotin, nai nyipedorete iyes aryamun neni kitoro, ido erubakinete ŋituŋa ikibolyatar iyes ka ikikokoyete, emam ituŋanan ŋini ikiŋarakini iyes.

Ŋikis. 28:29 Iomraidhean Croise

Akisy. 19:11

Apotu ikes kitumudukana ŋikilyok ŋulu ayakasi kiŋa epuke; toŋopik ikes epuke. Apotu ŋun kitiyakin neni a ŋisorok ka neni a ŋikasikou.

Neem. 9:37

Ŋirwosi ŋulu iwuak iyoŋ akipuka isua aŋuna a ŋasecisya kosi, ikes enyamete ŋaraito a akwap a na ŋuna alalak, ikipukato ikes isua ka isitiyaete ŋibaren ikwa ŋina ecamitotor, ido ikiya isua locan.”

Yob 12:25

Imudumudosi ikes anakiryonut, pa iteete neni itorete; einanakini Akuj ikes akiteritero esibit ŋikamerak.

Yob 5:14

Iryono akwap aneni kec tari naparan, imudumudosi ikes tari alokidiŋ apaaran esibit akuwar.

Awos. 10:21

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.”

Isa. 59:10

Ikitwapitwapi isua esibit ikirae ŋimudukanotin, ikitwapitwapi isua esibit ikirae ŋulu emam ŋakonyen nyileerete ŋuna itiyao isua lopite ŋolo nyileereo ibore ekaikai akwap; ani erukitoe isua ka ŋulu egogoŋ, ikitakani ikisibit ŋikatwak.

Yer. 9:19

anerae epupyo akiwolol a ŋituŋa alo Sion ebasi, ‘Amunyaroi iwon! Aryamun iwon ŋileec nooi, emaikina iwon emyekisi akwap yok, anerae amunaar ŋakais yok.’

Aum. 4:14

Apotu ŋikadwarak ka ŋisacaradotin a Yerusalem kitwaŋata alorotin a ŋulu ke etaun esibit ŋimudukanotin, apotu ikes toruwor ŋulu etoroniyaritae aŋuna atapyata ŋaokot, mam ituŋanan amaikina totap ikes.

Aum. 5:17

Aŋun, eyalaar ŋitai kosi ka amuumu ŋakonyen kosi,

Aum. 5:8

Ikipukato tokona isua ŋituŋa ŋulu nyejokak akilo tari ŋipi, emam ituŋanan ikiuni isua anapedor kec.

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Ŋitic. 21:24

Torukosi ka ikes lotal ŋolo ka akiteseguno ikwaŋina icikakinitotor Ŋikisila; ido totac egyelit a ŋinibore iitanio aŋuna kec, ikotere epedoryata ikes akibany ŋakyes kec. Alopite a ŋol eyenunete ŋituŋa daadaŋ atemar emam ibore iyookino anakiro a ŋuna kelimonokin ikes aŋuna kon, nai eyenunete atemar iwuapit iyoŋ Ŋikisila a Moses.

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

Ŋikis. 28:28

Ikisicani Ekapolon iyes a ŋikerep, a amuduko ka a ŋibiler,

Ŋikat. 10:8

ido apotu Ŋipilistin ka Ŋiamoni kisicana Ŋisirael ekaru ŋol nooi. Apotu ikes kisicana Ŋisirael daadaŋ ŋulu aya nakwap alokekwaye Yorodan nakwap ŋina a Ŋiamoni, iŋes Gilead. Apotu ikes kisicana Ŋisirael ŋikaru ŋitomon ka ŋikanikauni.

Ŋikat. 13:1

Apotu nabo Ŋisirael kitiyata ŋakiro ŋuna aronok alokiŋaren Ekapolon, ido abu Ekapolon kipotok ikes napedor a Ŋipilistin ŋikaru ŋatomoniomwon.

Ŋikat. 3:14

Aŋun, apotu Ŋisirael kitiyanakis erwosit Egilon ŋolo a Moab ŋikaru ŋitomon ka ŋikanikauni.