Ŋikis. 28:20 - Ebaibul

²⁰ “Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Ŋikis. 28:20 Iomraidhean Croise

Yob 24:18

“Sopar, irworo iyoŋ ebe, ‘Iwokonorete ŋakipi atipei ŋulu itiyaete aronis, icenit Akuj neni iboiyoto ikes, mam eketiyan eapiyari lomanikorin kec ŋulu ke epiini.

Ŋikiru. 7:11

Erae Ekapolon ekatubon ŋolo iyookino, eŋoit iŋes a ŋinakoloŋit a ŋuna a ŋulu itiyaete aronis.

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 30:17

Esuri ituŋanan ipei ŋituŋa aliput, iemete iyes daadaŋ aŋuna a ŋituŋa a ŋikan ikirisete ikes iyes tari ŋina idoŋio ituŋanan ipei bon esibit epir ŋolo ka abendera alokidiama emoru, esibit akitoodikinet ŋina esipokinitae kidiama ekamukumukut.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Ŋilep. 26:38

Itwanikinete iyes nakwapin; ikimunyarete iyes ŋituŋa ŋakwapin a ŋimoe kus.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Ŋikis. 28:8

Iterereŋi Ekapolon ŋikito kus ka ŋiticisyo kus daadaŋ ŋulu itiyaete iyes; ikiterereŋi iyes Ekapolon Akuj kus anakwap a ŋina ikiinit iŋes iyes.

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Ŋikat. 2:15

Apaki daadaŋ ŋina elosyoto ŋajorei a Isirael lojie, aremokino Ekapolon ikes, ido acamanakini kitiyakin neni kec ŋuna aronok, lopite ŋolo sek alimokinitor ka ekoŋitor Ekapolon neni kec, ido apotu Ŋisirael kiyaloloŋo nooi.

1 Sam. 14:20

Tocunakinos nai Saul ka ŋituŋa keŋ daadaŋ toloto lojie, toryamut Ŋipilistin iguryakina, earasi make a ŋileŋia kec.