Ŋikis. 28:16 - Ebaibul

¹⁶ “Ikilami Ekapolon iyes alotaunio kus ka alomanikorin kus.

Ŋikis. 28:16 Iomraidhean Croise

Akisy. 5:29

Tolimok ekiro a esapat a ŋol Noa, ebala, “A ŋalup a ŋuna adau Akuj akicen, ikiŋarakini iwon lo alotic yok a ŋolo agogoŋon a ŋolo a ŋalup a ŋuna koloŋ abu Akuj kicen.”

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 17:12

Nai toboŋok aberu ŋin tema, “Ikwapei eyarya Ekapolon Akuj kon, mam ayoŋ amugati epot, ŋakirya ŋadi bon eya ayoŋ locwee ka akimyet adio cici eyai namot. Ekeyeni tokona ayoŋ ŋakito ŋadi a ne, ikotere oboŋo lore epou ŋun aŋuna kaŋ ka aŋuna lokoku kaŋ, emuja ani ekaku eriyaros.”

1 Ŋirw. 17:5

Aŋun, abu Eliya tolot, kitiya ikwapei alimunitor Ekapolon anakirot keŋ, tolot iŋes kiboi alodiyete ayonae Ceris, ŋina ayai Kide Yorodan.

Yob 24:18

“Sopar, irworo iyoŋ ebe, ‘Iwokonorete ŋakipi atipei ŋulu itiyaete aronis, icenit Akuj neni iboiyoto ikes, mam eketiyan eapiyari lomanikorin kec ŋulu ke epiini.

Ŋakit. 3:33

Iceni Ekapolon ŋikalya a ŋulu aronok, nai iterereŋi ŋikalya a ŋulu iyookino.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 5:10

Etomwan pe akoro ŋawat kosi, ekokis emwaka ekeno, amwakut pe ŋamunyin a ŋawat kosi, ekokis emwaka ekitet.

Yoel 1:4

Ibore daadaŋ ŋini abu emaase ŋolo etubutubui kimyek, abu asuisui ŋina a emaase kirika. Ibore daadaŋ ŋini abu asuisui a emaase kimyek, abu emaase ŋolo eporonori iwadio kirika, ibore daadaŋ ŋini abu emaase ŋolo eporonori iwadio kimyek, abu emaase ŋolo enyasan kirika.

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Mal. 4:6

Ibelekini iŋes ŋitai a ŋikauruunak tomaikinos ka ŋidwe kec ka ibelekini iŋes ŋitai a ŋidwe tomaikinos ka ŋikauruunak kec, ani kemam, abuni ayoŋ amunyar iyes anakwap kus a ŋicen.”

Ŋikis. 28:55

nyeinakini ikes daadaŋ ediokiner a ŋawat a ŋidwe keŋ a ŋulu enyami iŋes, anerae mam icebore idoŋit neni keŋ, itiyae iŋes ŋun aŋuna apapanunia, anerae ikirikaunito iyes ŋimoe ka ikigolokinito tooma ŋitaunio kus.