Ŋikis. 28:15 - Ebaibul

¹⁵ “Ani pa kiwuapa iyes ejok ŋakiro ŋuna ke Ekapolon Akuj kus kirica ŋakiciketa keŋ ka ŋikisila keŋ, ŋakiro ŋuna etubunit iŋes ŋuna ekecik ayoŋ iyes akiwuap nakoloŋit na, iryamunete nai iyes ŋilam lu daadaŋ:

Ŋikis. 28:15 Iomraidhean Croise

Akisy. 3:14

Tolimok Ekapolon Akuj emun tema, “Aŋuna itiyaa iyoŋ ŋun, iruwor iyoŋ ekaŋilam alotyaŋ a daadaŋ ka alosubuna a daadaŋ a ŋulu ka ariet; ilyae iyoŋ a akook kon inyami iyoŋ apuwa ŋarwa ŋuna a akonikiyar daadaŋ.

Akisy. 4:11

Anyoun tokona, iruwor iyoŋ ŋolo ilamam nooi, nyitae iyoŋ nabo ŋalup ŋuna apotu toŋaar kijuwasi ŋaokot alokaato kon a ŋolo ibu iyoŋ toar.

Akisy. 4:12

Ani ŋina itaa iyoŋ ŋalup, nyitokokete ejok ŋikinyom ŋulu itae iyoŋ. Idokini iyoŋ nariyet, toruwor ekerimiton anakwap.”

2 Ŋakiro a ŋirwa 12:5

Abu nai ekadwaran ŋolo anyaritae Semaia tolot neni a Reoboam ka neni a ŋikarikok a Yudaya a ŋulu acunakina Yerusalem apaki ŋin aŋuna akeritotor Sisak, tema neni kec, “Ŋakiro ŋuna irworo Ekapolon ikes nu ebe, ‘Idaut iyes akimyekin ayoŋ; aŋun, ekemyekini ayoŋ iyes tokona anapedor a Sisak.’ ”

2 Ŋakiro a ŋirwa 34:24

atemar kire jik, esicani ayoŋ akibois na ka ŋituŋa keŋ lopite ŋolo igiritere lokitaabo ŋakiro daadaŋ ŋuna aponi tosyomunae alokiŋaren erwosit.

2 Ŋakiro a ŋirwa 7:19

“Nai ani kikiŋer iyoŋ ayoŋ, kimyek ŋakiro ŋuna atubunit ayoŋ aŋuna kon ka ŋakiciketa kaŋ ŋuna akainak iyoŋ, ido tolot akitiyanakin ŋakujo ŋace ka kilip neni kec,

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Yer. 11:8

Nai apotu ikes nyiwuapa ŋakiro kaŋ, kori nyepupokis ŋuna erworo ayoŋ, nai abu ŋinituŋanan anakisyaanu kiwuap acamit keŋ ŋina aronon. Aŋun, abu ayoŋ oyau neni kec ŋakiro a acamunet a na, ŋakiro ŋuna abu ayoŋ olimok ikes kiwuapa, nai apotu ikes nyitiyata ŋun.”

Yer. 26:4

Tolimok ikes ebe, ‘Ŋakiro ŋuna irworo Ekapolon ikes nu: Ani pa kiirasi iyes ŋakiro kaŋ, pa kiwuapa ŋikisila kaŋ ŋulu akainak ayoŋ iyes,

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 36:31

Tosodi, esicani ayoŋ iŋes kaapei ka ŋiletok keŋ ta ŋiketiyak keŋ aŋuna ka asecit kec. Ayauni ayoŋ neni kec ka neni a ŋituŋa a Yerusalem ŋican daadaŋ ŋulu abu ayoŋ olimu atemar ayauni, nai apotu ikes nyiirasi ŋakiro kaŋ.”

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 40:2

Abu ekapolokiniton a ŋasigarya a Babilon ya Yeremia nawae tema neni keŋ, “Abu Ekapolon Akuj kon tolimu atemar esicani akibois na,

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Osea 7:12

Apaki daadaŋ ŋina elosyoto ikes nakwap adio, alokakini ayoŋ atibait kaŋ, ekamu ikes daadaŋ lopite ŋolo ikamunere ŋikeny. Esicani ayoŋ ikes apaki ŋina eirarya atemar acunakin ikes.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋikis. 11:28

ka iryamunete iyes ŋicen erae pa kiwuapa iyes ŋakiciketa ŋuna ke Ekapolon Akuj kus, ido toŋero akiwuap ŋakiro ŋuna ekecik ayoŋ iyes akiwuap nakoloŋit na, aŋuna ka akiwuap ŋakiro a ŋakujo a ŋuna nyiyenunito iyes.

Ŋikis. 28:2

Ani Kiwuapa iyes ŋakiro ŋuna ke Ekapolon Akuj kus iryamunete iyes ŋarereŋisyo nu ka eruwor ŋuna kus:

Ŋikis. 28:45

“Iryamunete iyes ŋilam ŋul daadaŋ, ikiwuapete ka eyakaun neni kus tari ŋina imunyarotor iyes, anerae nyiwuapa iyes ŋakiro ŋuna ke Ekapolon Akuj kus, anakiricakinit ŋakiciketa keŋ ka ŋikisila keŋ ŋulu abu iŋes ikicik iyes akiricakin.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Yos. 23:15

Nai lopite ŋolopei eyookinotor aneni kus ŋakiro daadaŋ ŋuna ajokak, ŋuna ikiikinit iyes Ekapolon ŋolo erae Akuj kus, lopite ŋolopei, eyauni Ekapolon neni kus ŋakiro ŋuna aronok daadaŋ, ŋuna adau iŋes alimokin iyes, itiyakini Ekapolon ŋun neni kus akitodol ŋina ikimunyarya iyes anakwap a na a ŋina ajokan, a ŋina adau iŋes ainakin iyes.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Ŋikat. 2:15

Apaki daadaŋ ŋina elosyoto ŋajorei a Isirael lojie, aremokino Ekapolon ikes, ido acamanakini kitiyakin neni kec ŋuna aronok, lopite ŋolo sek alimokinitor ka ekoŋitor Ekapolon neni kec, ido apotu Ŋisirael kiyaloloŋo nooi.

1 Sam. 4:10

Aŋun, apotu Ŋipilistin kitijioto Ŋisirael toreut. Tobwaŋas Ŋisirael, toem ŋinituŋanan lore keŋ. Totwaka Ŋisirael ŋulu alalak nooi ŋulu alosete a ŋakejen ŋulu adolit ekimar kec ŋalipyo ŋatomoniuni.