Ŋikis. 28:1 - Ebaibul

¹ “Ani kiwuapa iyes ŋakiro ŋuna ke Ekapolon Akuj kus ka kiwuapa ejok ŋakiciketa keŋ daadaŋ, ŋuna ekeciki ayoŋ iyes akiwuap nakoloŋit na, ikituruwori Ekapolon Akuj kus iyes ŋituŋa ŋulu iloito ŋituŋa a ŋakwapin a daadaŋ anakwap.

Ŋikis. 28:1 Iomraidhean Croise

1 Ŋakiro a ŋirwa 14:2

Toanyu nai Daudi apaki ŋin atemar adau Ekapolon akiwuakin iŋes aruwor erwosit a Isirael daadaŋ, ido etopoloo apukan keŋ aŋuna a Ŋisirael, a ŋituŋa a ŋulu ka Akuj.

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 119:128

Kire jik, ewuapit ayoŋ ŋakiciketa kon daadaŋ; aŋerit ayoŋ ŋipitesyo a ŋulu aronok daadaŋ.

Ŋikiru. 119:6

Iŋes nai nyekesurumere ayoŋ ŋileec, aŋuna amunikinitor akiwuapit ŋakiciketa kon.

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Awos. 23:25

Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Yer. 17:24

“Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Luk. 9:48

tolimok ikes tema, “Ŋinituŋanan ijauni ikoku ŋini cici ŋini ikoni en alokiro kaŋ, ekejauni ayoŋ; a nen ŋini ekejauni ayoŋ, ijaunit tari ŋini ekeyakuunit ayoŋ. Anerae ŋini itiditeuna alokidiŋ kus, iŋes epol nooi.”

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 11:27

Iryamunete iyes arereŋu erae kiwuapa iyes ŋakiciketa ŋuna ke Ekapolon Akuj kus ŋuna ekecikak ayoŋ iyes nakoloŋit na

Ŋikis. 15:5

Itiyakin ŋun erae kiwuapa iyes ejok ŋakiro a Ekapolon Akuj kus anakiwuapit ŋakiciketa nu ŋuna ekecik ayoŋ iyes nakoloŋit na.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 28:13

Ikituruwori Ekapolon iyes ŋulu ipolokinito ŋituŋa ŋuluce, meere ŋulu ikipolokinitoe, ikiturubakini Ekapolon iyes ipolokinito ŋuluce, meere ŋulu ikipolokinitoe. Itiyakin ŋun erae kiwuapa iyes ejok ŋakiciketa ŋuna ke Ekapolon Akuj kus ŋuna ekecik ayoŋ iyes akiwuap nakoloŋit na