Ŋikis. 27:26 - Ebaibul

²⁶ “‘Ilamam ituŋanan daadaŋ ŋini nyitopoloorit ŋakiro ŋuna a ŋikisila a lu aŋuna nyiwuapitor ikes.’ “Eboŋokinete ŋituŋa daadaŋ temasi, ‘Kiyookin ŋun.’ ”

Ŋikis. 27:26 Iomraidhean Croise

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

Esir 7:26

Ŋituŋa daadaŋ ŋulu nyiwuapete ŋikisila ŋulu ka Akuj kon ka ŋikisila ŋulu ke erwosit, emaikina totubokinae ikes alokisila kerae atwanare, kori alemar alotuŋa, kori ademar ŋiboro kec, kori togolokinoe kai.”

Ŋikiru. 119:21

Ikitoŋoyenete iyoŋ ŋiketurok ŋulu ilamam, ŋulu eoliyonorete anakiwuapit ŋakiciketa kon.

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

2 Ŋikor. 3:9

Ani ketya nen apolou ŋina a ŋiticisyo a ŋulu ka atubokino, etya nai ai ŋina a ŋiticisyo a ŋulu ka aiuno!

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’