Ŋikis. 26:9 - Ebaibul

⁹ ido ikiyau isua nakibois na ka ikiinak isua akwap na ajokan na ŋina eleleata ŋakile ka ao.

Ŋikis. 26:9 Iomraidhean Croise

Ŋikiru. 105:44

Abu Akuj inak ikes ŋakwapin a ŋituŋa a ŋice, apotu ikes kituruwosi ebari a ŋituŋa a ŋulu sek keya nen ŋolo kec.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Esek. 20:15

Abu daŋ ayoŋ ekoŋ neni kec analoŋisat olimok atemar nyayauni ayoŋ ikes nakwap ŋina sek aris kakainak iyes, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ŋitic. 26:22

Akitodol nakoloŋit na, ekeŋarakinit Akuj ayoŋ a ŋun, awoi ayoŋ a ne akiteyenun nu neni a daadaŋ, neni a ŋulu caryo kaapei ka ŋulu arwok. Nyerworo ayoŋ ŋace, nai ŋuna abasi ŋikadwarak ka Moses etakanunete.

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”

Ŋikis. 27:3

Kigirakis kidiama kec ŋakiro daadaŋ ŋuna a ŋikisila a lu, kidaut iyes adokar ekekwaye alomar nakwap ŋina ikiinit Ekapolon Akuj kus iyes, nakwap ŋina eleleata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Yos. 23:14

“Adol tokona ayoŋ aekar lore apolon neni eloseneneete ŋituŋa daadaŋ. Iyenete iyes a ŋitai kus a daadaŋ ka anakiyar kus a daadaŋ atemar ŋakiro ŋuna ajokak daadaŋ ŋuna abu Ekapolon ŋolo erae Akuj kus ikiik iyes, mam apei daŋ ŋina nyisiyookino. Esiyookin ŋakiro daadaŋ ŋuna ikiikinitae, mam apei daŋ ŋina nyisiyookino.

1 Sam. 7:12

Tolemu nai Samuel amoru a nen, tosipok kidiŋ Misipa ka Yesana, tolimok ekiro a amoru a ŋin Ebenesa, anerae abu iŋes tema, “Erae na esuuda ŋolo itoodiunit atemar ikiŋarak Ekapolon iwon tari tokona.”