Ŋikis. 26:7 - Ebaibul

⁷ aponi isua kigworokinoe Ekapolon Akuj atapapaa kosi, ido abu Ekapolon kiira akigworo kosi, kiŋolik ŋican kosi, kiŋolik ŋiticisyo ŋulu ikireikinitae isua ka akisicanio ŋina ikisicanitere isua.

Ŋikis. 26:7 Iomraidhean Croise

Akisy. 21:17

Kiira Akuj etoil a idya, tonyara emalaika ka Akuj Agar anakuj, tolimok iŋes tema, “Anukiro ikiryebete iyoŋ Agar? Nyikibul, anerae eira Akuj etoil a idya aneni sek iesikinia iyoŋ iŋes.

Akisy. 29:32

Abu Lea topoti, ido kidou ikoku ŋinisapat, tolimok ekiro keŋ Ruben, anerae abu iŋes tema, “Aŋuna aanyuwarya Ekapolon ŋican kaŋ, kire jik akaminakini tokona ayoŋ ekile kaŋ.”

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

Ŋikiru. 119:132

Kiŋolikinae ayoŋ ka kisyoni ayoŋ, lopite ŋolo itiyaa iyoŋ jwi jwi neni a ŋulu eminasi ekiro kon.

Ŋikiru. 31:8

Nyejalakina iyoŋ ayoŋ neni a ŋimoe kaŋ; nai ikicamak iyoŋ ayoŋ alosi neni daadaŋ acamit.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Awos. 2:25

Abu Akuj kiŋolik epite ŋolo abolyare Ŋisirael, ido tonomosi iŋes ŋakiro ŋun.

Awos. 3:9

Adolu tokona akigworo a Ŋisirael neni kaŋ; adau daŋ ayoŋ akiŋolikin epite ŋolo isicanitotor Ŋijipitian ikes.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Awos. 6:5

Adau daŋ ayoŋ akiirar akigworo a Ŋisirael a ŋulu etiŋitae alo Ijipit erae ŋipi, ido atamu ayoŋ Acamunet kaŋ ka ikes.

Yer. 33:2

Ŋakiro nu ikes abu Ekapolon ŋolo asubuni akwap, Ekapolon ŋolo ayeuni akwap kiwuak lopite ŋolo eyakar, Ekapolon iŋes ekiro keŋ. Abu iŋes tema,

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”