Ŋikis. 26:16 - Ebaibul

¹⁶ Akoloŋit napei na ikicik iyes Ekapolon akiwuap ŋakiro ŋuna etubunitoe ŋun ka ŋikisila ŋul, kiwuapa ikes ejok a ŋitai kus a daadaŋ ka a akiyar kus a daadaŋ.

Ŋikis. 26:16 Iomraidhean Croise

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 11:8

Kiwuapa nai ŋakiciketa daadaŋ ŋuna ekecik ayoŋ iyes akiwuap nakoloŋit na, ikotere iryamuniata agogoŋu ŋinalomaret ka ŋinakikamaret akwap ŋina ilosete iyes akiboiyo alokekwaye Yorodan

Ŋikis. 12:1

Erae nu ŋakiro ŋuna etubunitoe ka ŋikisila ŋulu emaikina iyes kiwuapa ejok anakwap a ŋina ikiinak iyes Ekapolon kus, Akuj atapapaa kus akiboiyo ŋirwa daadaŋ ŋulu ka akiyar kus anakwap.

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 26:17

Nakoloŋit na, icamunosi iyes ke Ekapolon; aruwor iŋes Akuj kus ka itiyaete iyes ŋuna ecamit iŋes, iwuapitae ŋakiro ŋuna etubunit iŋes, ŋakiciketa, ŋikisila ka iwuapitae ŋakiro keŋ.

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋikis. 6:17

Emaikina iyes kiwuapa ejok ŋakiciketa ke Ekapolon Akuj kus, kiwuapa ŋakiro ŋuna etubunit iŋes ka kiwuapa ŋikisila ŋulu ikicik iŋes iyes akiwuap.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.