Ŋikis. 26:14 - Ebaibul

¹⁴ Nyenyama isua adio a atutubet a ŋina italeoritae, nyinyama isua ikes, apaki ŋina egworore, nyelemara isua ikes apaki ŋina ikitoroniyaritere, nyeinakina isua ikes adio erae ainakinet neni a ŋikatwak. Ewuapi isua ŋakiro ŋuna ke Ekapolon Akuj kosi, etiyae daadaŋ ŋuna ikicik iŋes isua akitiya.

Ŋikis. 26:14 Iomraidhean Croise

Ŋikiru. 106:28

Ani apaki ŋina ayakatar ikes Peor apotu kilipa neni a Baal, kimuja kaapei ka ŋituŋa a Peor ŋamuronisya ŋuna ainakinitae neni a ŋakujo;

Ŋikiru. 18:22

Ewuapit ayoŋ ŋikisila keŋ daadaŋ, mam nyimyekina ayoŋ ŋakiro ŋuna atubunit iŋes.

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Osea 9:4

Nyepedorete ikes ainakin ŋainakineta ŋuna a epiini neni ke Ekapolon, nyitalakarete ŋamuronisya kec iŋes, ikwaanikin ŋamuronisya ŋun aneni kec ka akiriŋ ŋina ka apunyas, ŋituŋa daadaŋ ŋulu enyamete akiriŋ a ŋamuronisya a ŋun itoroniyaryo ikes, anerae eruwor akimuj ŋin ŋina kec, nyemaikina yaunae Kai ke Ekapolon.

Ŋilep. 21:1

Tema Ekapolon neni a Moses “Tolimok ŋisacaradotin, ŋidwe ka Aron ŋulusapa ebe, ‘Mam esacaradoti emaikina tomunaar bon aŋuna elosyo neni eyai iyenet keŋ ŋini etwanit,

Ŋilep. 21:11

Nyemaikina iŋes toloma nakibois ŋina eyai ituŋanan ŋini etwanit; nyemaikina iŋes toruwor ŋolo itoroniyaritae tari kerae ituŋanan ŋin papa keŋ, kori toto keŋ.

Ŋilep. 7:20

Nai ituŋanan daadaŋ ŋini enyami akiriŋ ŋina ka ainakinet a ŋina ke ekisil ke Ekapolon, ido nyitaleunitoe iŋes, emaikina ituŋanan ŋin kiritarae alotuŋa keŋ.

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 15:5

Itiyakin ŋun erae kiwuapa iyes ejok ŋakiro a Ekapolon Akuj kus anakiwuapit ŋakiciketa nu ŋuna ekecik ayoŋ iyes nakoloŋit na.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 26:13

ilimunete iyes nu alokiŋaren Ekapolon Akuj kus, “Adaun isua alemar anakais kosi atutubet apei a ŋikinyom kosi ŋina italeoritae, adaun isua ainakin ikes neni a ŋilepi, neni a ŋigelaanotin a ŋulu eboiyete alotaunio kosi, neni a ŋikokyok ka neni a ŋapuseru, iwuapitae ŋakiciketa kon daadaŋ ŋuna ibu iyoŋ ikiicik isua akiwuap, nyeŋero isua, kori nyimuryakina isua akiwuap ŋakiciketa kon daadaŋ.

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”