Ŋikis. 26:10 - Ebaibul

¹⁰ Aŋun, tokona, okoe Ekapolon ayau ayoŋ ŋaraito ŋuna esyaunak ŋuna a akwap ŋina ikiinak iyoŋ ayoŋ.” Iwuakinete nai iyes ŋainakineta kus kiŋaren Ekapolon Akuj kus, ido kijuuroto kipuro Ekapolon Akuj kus.

Ŋikis. 26:10 Iomraidhean Croise

1 Ŋakiro a ŋirwa 29:14

“Emam ibore ŋini erae ŋini kosi, ŋini ikiini ayoŋ ka ŋituŋa kaŋ iyoŋ, anerae erae ibore daadaŋ ainakinet aneni kon, ido ikiinak isua neni kon ibore ŋini sek erae ŋini kon.

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Ŋikiru. 22:29

Ilipete neni keŋ ŋikabarak daadaŋ anakwap, ilipete alokiŋaren keŋ daadaŋ ŋulu iridete nai arubakini ayoŋ ayari aŋuna ka Akuj.

Ŋikiru. 86:9

Ibu iyoŋ tosub ŋituŋa daadaŋ, aŋun epote ikes akilip neni kon, okoe Ekapolon; epote ikes akitopoloor ekiro kon;

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 23:19

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Ŋakit. 10:22

Erae akiterereŋiet ŋina ke Ekapolon itabari ituŋanan, emam akiyaloloŋ iatakini Ekapolon narereŋu ŋin.

Ŋakit. 3:9

Kitopoloorite Ekapolon anainanakin iŋes ibore idio alobari kon, inanakini Ekapolon ŋaraito a ŋikinyom kon a daadaŋ.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

1 Ŋikor. 10:31

Aŋun nai, ŋinibore daadaŋ imujete kori imasete kori itiyaete iyes, kitiyata ŋun daadaŋ aŋuna ka akitopoloor Akuj.

Ŋikis. 18:4

Eryamunete ŋisacaradotin aneni a ŋituŋa ŋikinyom ŋulu eŋarenok, epiini ŋolo a ekiŋaren, akimyet ŋina a ekiŋaren ka ŋajul a ŋamesekin ŋuna etubunio ekiŋaren. Emaikina ŋituŋa inakis ikes ŋiboro ŋul;

Ŋikis. 26:17

Nakoloŋit na, icamunosi iyes ke Ekapolon; aruwor iŋes Akuj kus ka itiyaete iyes ŋuna ecamit iŋes, iwuapitae ŋakiro ŋuna etubunit iŋes, ŋakiciketa, ŋikisila ka iwuapitae ŋakiro keŋ.

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.

Ŋikis. 26:4

Ani ijaari esacaradoti ebukit anakan kon, ido kiwuak kwap kiŋaren Namuroet ŋina ke Ekapolon Akuj kus,

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”