Ŋikis. 24:6 - Ebaibul

⁶ Mam ituŋanan emaikina ya aneni a ŋinice amoru ŋinakiryeet, kori atapemu aŋuna ideniyoritere ibore keŋ, anerae eriyan ŋun ka akiya ibore ŋini eyarya akiyar a ituŋanan aŋuna ka akikoŋiet.

Ŋikis. 24:6 Iomraidhean Croise

Akisy. 44:30

Aŋun nai, kaboŋo tokona ayoŋ neni a papa kaŋ a eketiyan kon, pa ikirukit isua ka edya, torae bo eyarya papa kosi neni eyarya edya lo,

Yob 22:6

Isecit iyoŋ aŋuna ani kiinak ŋikaitotoi kon ŋisiliŋa kideniyosi, ibu todema ikes ŋiboro kec aŋuna pa apedoritotor ikes atacakin iyoŋ ŋidenio kec, ibu daŋ tolema ŋilowi kec daadaŋ ka ikimyek ikes elerete.

Mat. 24:41

Eryamunio ŋaberu ŋaarei iryeete, eayo apei kimyekinae ŋinace.

Luk. 12:15

Tolimok iŋes ŋituŋa daadaŋ tema, “Tocoikisi, kiyokito ŋawat kus anarorokanut a daadaŋ, anerae meere ebari itopoloe akiyar a ituŋanan.”

Ŋikis. 20:19

Ani kirikaut iyes etaun edio icamito akitijikin iŋes aŋuna ka akikamar, ido yaa apaki ŋina aoyan irikaunito, tocoito iyeparete ŋikito. Tari kinyama iyes ŋaraito alokito a ŋul tocoito iyepakinete ikes kwap. Erae mono ŋikito ŋituŋa irikaunito iyes ikes a?

Ŋikis. 24:5

Ani keriŋa ekile iisi aberu, nyemaikina iŋes tolot lojie, kori nyemaikina inakinae etic edio ŋolo etiŋiari iŋes. Emaikina iŋes kipasa alore keŋ ekaru epei, ikotere nyesilik aberu keŋ ŋina ariŋa iŋes iisi.

Ŋikis. 24:7

Ani kikamun ituŋanan ŋini ekokoiyarit ituŋanan ŋini erae Esiraelit, akituruwor iŋes epito, kori agyelar, emaikina ituŋanan ŋini ekokoiyarit ŋinice toarae. Aŋun, ilemarete iyes aronis alokidiŋ kus.

Akis. 18:22

“Nyiiraryo nabo aneni kon eruye ŋolo a ŋaduŋgui ka ŋitoilon a ŋituŋa, ŋolo a ŋikakutak ŋapilui ka ŋarupepe! Nyeryamun nabo ŋiketiyak kon ŋulu aosok jik. Nyiirar nabo eruye ŋolo ka amoru a ŋinakiryeet.