Ŋikis. 24:15 - Ebaibul

¹⁵ Emaikina iyes totaca ikes eropit kec a ŋinakoloŋit eriŋa akoloŋ nyedoiyoro, anerae ekulyakaka ikes ka erae lolejilej iŋes eyarikinito ikes, acepaki igworokinete ikes Ekapolon ikicenete iyes, ido iyakaunotor iyes ekaile ŋolo ka asecit.

Ŋikis. 24:15 Iomraidhean Croise

Yob 31:13

Ani kaŋerit ayoŋ adyekitoi a ŋipi kaŋ, kori a ŋapi kaŋ apaki ŋina aponiata yaut neni kaŋ ŋakiro ŋuna etakadakinitor ayoŋ ikes.

Yob 31:38

“Ani kademarit ayoŋ ituŋanan amana ŋina etae ayoŋ, ani kademunit ayoŋ amana ŋin aneni a ŋikulepek.

Yob 34:28

Apotu ikes kisigworo ŋikulyak todol akigworo kec neni ka Akuj, ido abu Akuj kiira akigworo a ŋituŋa a ŋulu esicanitae.

Yob 35:9

“Aŋuna etalalata ŋituŋa akisicanit ŋuluce, iŋitasi ikes akiŋarakino toiunere ikes anapedor a ŋikadedeŋak.

Yob 7:2

Nyikwaan mono ikes ka epito ŋolo iitanit akieŋun alotolim a? Nyikwaan mono ikes ka eketiyan ŋolo iitanit eropit keŋ ŋolo adaunia iŋes akitiyaa akoloŋit ŋin a?

Ŋikiru. 24:4

Erae ŋulu ejokak ŋiticisyo kec ka ŋulu iyookino alotai kec, erae ŋulu nyilipete neni a ŋakujo a ŋunacaryo, kori nyikoŋete anakiro aŋuna erae alyokonu.

Ŋikiru. 25:1

Okoe Ekapolon, neni kon iŋes erworo ayoŋ elipi.

Ŋikiru. 86:4

Yau alelyan neni ke eketiyan kon, anerae neni kon, okoe Ekapolon elipi ayoŋ.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 22:13

“Ekaŋ iyoŋ ituŋanan ŋini iduki akai keŋ anamamukau akiyookino ka kiyat ŋagulei keŋ ŋuna alokidiama anamamukau akiyookino. Ekaŋ iyoŋ ituŋanan ŋini isitiyae ŋikidunyet kon pa itaci, pa inanakini ikes etacit kec.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 25:35

“‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 20:8

“Ani edoli eboŋ, tolimok elope ŋolo ke emanikor eketiyan keŋ ŋolo apolokinit ŋuluce tema, ‘Tonyarau ŋiketiyak totac ikes eropit kec, kisyak mono akitac ŋulu apote ekaku, totac nai ŋulu esyaunete aponare.’

Mar. 10:19

Iyeni iyoŋ Ŋakiciketa: ‘Nyiar, nyilom, nyikoko, nyisudi ŋakiro, nyitunae ka tokerite papa kon ka toto kon.’”

Ŋikis. 15:9

Tocoito, nyiyakatar atametait ŋina ka aminiu, ido itamete ebe, “Aapuu tokona ekaru ŋolo a ŋikanikaarei ŋolo eesyanakinere ŋamicae,” ido iteete iryenyaaka ikidunyet kus ŋini icana nyiinakis iŋes ibore ŋini icana. Acepaki igworokini ikidunyet kus ŋin Ekapolon ikitoroniyarit iyoŋ, ido iyakaunor iyoŋ ekaile ŋolo ka asecit.

1 Tim. 5:18

Anerae ebasi Ŋakigireta, “Nyien ŋakituka a ŋimoŋin apaki ŋina isitiyaa iyoŋ ikes aramya ŋimomwa”; nabo, “Itemokino eketiyan eropyo.”

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.