Ŋikis. 24:13 - Ebaibul

¹³ Emaikina iyoŋ kinyakak iŋes elou keŋ eriŋa akoloŋ nyedoiyoro, ikotere epedori ikidunyet kon akimukoror elou ŋol, ikiterereŋ iyoŋ, ido eruwor ŋun aneni kon ŋuna italakarito Ekapolon Akuj kon.

Ŋikis. 24:13 Iomraidhean Croise

Akisy. 15:6

Anupit Aburam Ekapolon; aŋuna ka anupit keŋ, abu Ekapolon tocamu iŋes erae ŋolo iyookino.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Isa. 58:8

Kitiyata iyes ŋun, ijokyata iyes ikwa akoloŋ elomuni taparacu ka ikitaŋaleunio iyes atipei, ido ikiŋarenikini iyes akiyookino kus, ikiyoki apolou a Ekapolon iyes alokaku.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Esek. 33:15

akitaanyunet iŋes na, ani kinyakasi ŋituŋa ŋulu aronon ibore ŋini ayaito ikes erae ikinyakuna ka kinyakut ibore ŋini kekokoiyarito sek ikes, kiwuapa ŋikisila ŋulu ka akiyar a ŋina iyookino, nyitiyata asecit adio, eyarete ŋituŋa ŋul kire jik, mam nyetwakete.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Ŋiep. 4:26

Ani kiŋoa iyes, nyicamut aŋoit kus ikiteseci iyes ka kisila eriŋa akoloŋ nyedoiyoro;

Ŋikis. 24:12

Ani kekulyakana ituŋanan ŋin, nyilot akiper nyinyakakina iŋes elou keŋ ŋolo abu iŋes ikiinak iyoŋ atiŋit mono aŋuna ka amica kon.

Ŋikis. 24:15

Emaikina iyes totaca ikes eropit kec a ŋinakoloŋit eriŋa akoloŋ nyedoiyoro, anerae ekulyakaka ikes ka erae lolejilej iŋes eyarikinito ikes, acepaki igworokinete ikes Ekapolon ikicenete iyes, ido iyakaunotor iyes ekaile ŋolo ka asecit.

Ŋikis. 6:25

Ani kiwuapi isua ŋakiciketa daadaŋ alokiŋaren Ekapolon Akuj kosi, lopite ŋolo ikicikia iŋes isua akitiya, ikiruwor isua ŋulu ikiyookino anakiro ikitiyae.”

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.