Ŋikis. 23:3 - Ebaibul

³ Emam Eamonait, kori Emoabit ecamakinitae alomar natukot ŋina a ŋituŋa a ŋulu ke Ekapolon. Tari kedol nanyamet ŋina a ŋatomon, nyecamakinitae ŋiletok kec alomar natukot a ŋituŋa a ŋulu a Ekapolon,

Ŋikis. 23:3 Iomraidhean Croise

Neem. 13:23

Alorwa a ŋul, abu daŋ ayoŋ eŋolik Ŋiburaniyae ŋulu kepotu kiitut ŋaberu ŋuna alo Asidod, alo Amon ka Moab,

Neem. 4:3

Ayai Tobia ŋolo alo Amon diyete keŋ, tolimu tema, “Arwatata ŋina edukitoe a ŋamoru ŋin epedori ekwee edio ŋolo edokari kidiama keŋ aritaar!”

Neem. 4:7

Nai ani iirarete Sanibalat, Tobia ka Ŋimarabui ta Ŋiamoni ka ŋituŋa ka Asod atemar elosi kiŋaren etic ŋolo ka akiduk nabo arwatata a Yerusalem ka aapuu agolokin neni amunaara daadaŋ anarwatata, apotu ikes toŋoa nooi,

Isa. 56:3

Nyemaikina igelaanot ŋini iboiyete kaapei ka iyes elimuni ebe, “Kire jik, akatyakari Ekapolon ayoŋ alotuŋa keŋ.” Nyemaikina ekolup elimuni ebe,

Yer. 49:1

Alimu Ekapolon ŋakiro nu aŋuna a Ŋiamoni: “Emamukatar mono Ŋisirael ŋidwe ŋulusapa a? Emamukatar mono ikes ekeruman a? Kaanukiro nai emyekiniata ikes ŋikelipak neni a Milikom ikamarete akwap a ŋituŋa a Gad? Kaanukiro eboikinotor ŋituŋa ŋulu ilipete Milikom lotaunio a ŋituŋa a Gad?

Aum. 1:10

Aŋatasi ŋimoe ebari daadaŋ alo Yerusalem. Apotu ŋituŋa a Yerusalem kiŋolikis ŋituŋa a ŋakwapin elomarete tari nakibois ŋina asegan, arae ŋituŋa ŋul ŋulu sek etaleorit Ekapolon alomar natukot a ŋituŋa a Yerusalem.

Mat. 5:43

“Ipupete iyes atemar abookoi koloŋ, ‘Tomina ekonikidunyet, ido toremokino ekonimoit.’

Ŋikis. 23:2

Nyecamakinitae ŋidwe ŋululomuna elomarete natukot a ŋituŋa a ŋulu a Ekapolon. Tari kedol anyamet kec ŋina a ŋatomon, nyecamakinitae ŋiletok kec alomar natukot a ŋituŋa a ŋulu ke Ekapolon.

Rus. 4:6

Tema eyenet ŋol, “Nyapedori ayoŋ akiuryar, acepaki ajamakini ayoŋ ŋulu kaŋ ke elope; kiurya iyoŋ tari kerae sek ayoŋ emaikina eurya daŋ, anerae emam ayoŋ epite ŋolo kiuryaret.”